Manasvi Choudhary
आजच्या डिजिटल युगात बँकिंग व्यवहार अत्यंत सोपे झाले असले, तरी त्यासोबतच आर्थिक फसवणुकीचे प्रकार दिवसेदिवस वाढताना दिसत आहेत.
एटीएमच्या मशीन्समधू पैसे काढताना होणारी एक छोटीशी चूक तुमचे खाते खाली करू शकते. यासाठी एटीएममधून पैसे काढताना कोणत्या चुका करू नये ते या वेबस्टोरीतून जाणून घ्या.
एटीएमच्या मशीन्समध्ये स्कॅमर्स मूळ कार्ड स्लॉटच्या वर अगदी हुबेहूब दिसणारा बनावट प्लास्टिकचा खोटा स्लॉट बसवतात. जेव्हा तुम्ही तुमचे कार्ड त्यात टाकता, तेव्हा हे बनावट डिव्हाईस तुमच्या कार्डवरील माहिती कॉपी करू शकतात आणि तुमची फसवणूक करू शकतात.
एटीएम वापरण्यापूर्वी कार्ड स्लॉट हलकासा ओढून किंवा हलवून बघा. तो सैल वाटत असेल किंवा वेगळा दिसत असेल, तर त्या मशीनचा वापर करू नका.
एटीएम मशीनच्या कीपॅडच्या वर किंवा आजूबाजूला स्कॅमर्स अत्यंत लहान कॅमेरे लपवून ठेवतात. तुम्ही पिन टाकताच तो या कॅमेऱ्यात रेकॉर्ड होऊ शकतात.
एटीएममशीनमध्ये पीन टाकताना तुमच्या मागे उभा असलेला अनोळखी व्यक्ती मोबाईल कॅमेऱ्याच्या बहाण्याने तुमचा पिन पाहण्याचा प्रयत्न करत असेल तर वेळीच लक्ष द्या.
एटीएममध्ये पिन टाकताना नेहमी दुसऱ्या हाताने कीपॅड झाकून घ्या.
अनेक ठिकाणी हुबेहूब खऱ्या मशीनसारखी दिसणारी बनावट एटीएम मशीन्स बसवली जातात. यामध्ये तुम्ही कार्ड टाकून पिन टाकल्यानंतर पैसे तर निघत नाहीत, पण तुमच्या कार्डची संपूर्ण माहिती आणि पिन डेटा कॉपी होतो.