Surabhi Jayashree Jagdish
उन्हाळा आला असून आता दुपारच्या वेळी आपण घरी एसी लावतो. गारेगार हा उकाड्याच्या दिवसात शरीराला थंडावा देते. मात्र एसी सुरू झाला की विजेच्या बिलातही चांगलीच वाढ होते
मात्र केवळ एसीचं बटन दाबून चालत नाही. त्याचं तापमान योग्य असणं तितकंच गरजेचं आहे. भारत सरकारच्या 'BEE' संस्थेने दिलेल्या काही ट्रीक्सच्या माध्यमातून तुम्ही एसीचा थंडावा घेत विजेचं बीलही कमी कराल.
तज्ज्ञांच्या मते, एसी चालवण्याची एक योग्य पद्धत आहे. जर तुम्ही तुमच्या घरातील एसी योग्य तापमानावर सेट केला तर तुमचं वीजेचं बील देखील कमी येऊ शकतं
BEE ने सर्व एसी उत्पादकांना च्या मशीनचे डिफॉल्ट तापमान 24 अंश सेल्सिअस ठेवण्याचे निर्देश दिलेत. याचं कारण म्हणजे हे तापमान आपल्या शरीरासाठी आरामदायक मानलं जातं. शिवाय जर तुम्ही या तापमानावर एसी सुरु ठेवला तर दर महिन्याला सुमारे 20 ते 30 टक्के विजेची बचत होऊ शकते.
ज्यावेळी तुम्ही तुमच्या घरातील एसीचं तापमान 1 डिग्रीने वाढवता तेव्हा 6 टक्के विजेची बचत होते. जर तुम्ही एसी 18 ऐवजी 24 वर ठेवला तर साधारण 6 डिग्रीचा फरक असतो. म्हणजेच 36 टक्क्यांपर्यंत वीज वाचू शकतं.
एसीचा वापर करत असाल तर सोबत पंखा देखील सुरु ठेवा. एसीसोबत पंखा सुरु असल्याने खोलीतील हवा खेळती राहते. त्यामुळे खोलीत गारवा वाढतो.
रात्रीच्या वेळी बाहेरील तापमानात घट होते. त्यामुळे यावेळी स्लिम मोडचा वापर तुम्ही करू शकता. हा मोड दर तासाला १ डिग्री तापमान वाढतो आणि वीज वाचवतो.