Surabhi Jayashree Jagdish
नवीन कारच्या सुरुवातीच्या १,००० ते १,५०० किलोमीटरच्या प्रवासाला ‘ब्रेक-इन’ पीरियड म्हणतात. या काळात कारचं इंजिन आणि इतर भाग एकत्र काम करू लागतात. त्यामुळे या सुरुवातीच्या प्रवासात गाडी चालवताना योग्य काळजी घेणं महत्त्वाचं असतं.
नवीन कार चालवताना सुरुवातीला तिचा वेग ताशी ७० ते ८० किलोमीटरच्या मर्यादेत ठेवण्याचा सल्ला दिला जातो. महामार्गावर रस्ता मोकळा असला तरी सुरुवातीच्या प्रवासात स्पीड मर्यादित ठेवणं गरजेचं आहे.
कार चालवताना इंजिनच्या आरपीएमकडे म्हणजेच इंजिन एका मिनिटात किती फेऱ्या मारते याकडे लक्ष द्यावं. दिलेल्या माहितीनुसार, पेट्रोल कारमध्ये आरपीएम २,५०० च्या खाली आणि डिझेल कारमध्ये २,००० च्या आत ठेवावं. प्रत्येक कारच्या इंजिनानुसार मर्यादा वेगळी असू शकते
नवीन कार मिळाल्यानंतर लगेच जोरात ॲक्सिलरेटर दाबून वेग वाढवणं टाळा. सुरुवातीच्या प्रवासात हळूहळू वेग वाढवावा आणि गरजेनुसार गिअर बदलावा. यामुळे इंजिनवर अचानक जास्त ताण येणार नाही.
नवीन कारचे टायर आणि ब्रेक पॅड्स यांना रस्त्यावर चांगली पकड मिळण्यासाठी काही काळ लागू शकतो. त्यामुळे सुरुवातीला अचानक ब्रेक लावणं आणि वेगानं वळण घेणं टाळा.
नवीन कार चालवताना महामार्गावर क्रूझ कंट्रोल सुरू करून एकाच वेगाने सतत प्रवास करणं सुरुवातीला टाळा. त्याऐवजी रस्त्याच्या परिस्थितीनुसार वेग बदलावा आणि गरजेनुसार योग्य गिअर वापरावा.
कार १,००० किलोमीटर चालल्यानंतर पहिली सर्व्हिसिंग करून घ्यावी. मात्र प्रत्येक कारची सर्व्हिसिंगची वेळ वेगळी असू शकते.त्यामुळे कंपनीने दिलेल्या सर्व्हिसिंग शेड्यूलनुसार सर्व्हिसिंग करावी.