Manasvi Choudhary
उद्या आषाढी एकादशी सर्वत्र मोठ्या उत्साहाने होणार आहे. आषाढी एकादशीला विठ्ठलाची भक्तीसोबत उपवासाचे व्रत पाळतात.
आषाढी एकादशीच्या उपवासाला साबुदाणा खिचडीसोबतच तम्हाला जर बटाट्याची खिचडी आवडत असेल तर तुम्ही सोप्या पद्धतीने घरीच बनवा
बटाट्याची खिचडी बनवण्यासाठी बटाटे, शेंगदाण्याचा कूट, हिरवी मिरची, तूप, मीठ, कोथिंबीर हे साहित्य घ्या.
बटाट्याची खिचडी बनवण्यासाठी सर्वात आधी गॅसवर कुकरमध्ये बटाटे उकडून घ्या. बटाटे उकडले की एका प्लेटमध्ये घ्या आणि थंड करा.
उकडलेले बटाटे थंड झाल्यावर स्मॅश करून घ्या. भाजी खूप जास्त स्मॅश करू नका.
गॅसवर कढईत तूपामध्ये हिरवी मिरची चांगली परतून घ्या. नंतर त्यात स्मॅश केलेले बटाटे मिक्स करा. मिश्रण चांगले परतून घ्या.
नंतर या मिश्रणात शेंगदाण्याचा कूट मिक्स करा. चवीनुसार मीठ घालून मिश्रण एकजीव करा.
भाजीवर झाकण ठेवून वाफेवर शिजवून घ्या. अशाप्रकारे घरच्या घरी उपवासाची बटाटी भाजी तयार होईल.