Shreya Maskar
सफरचंदाच्या सालीमध्ये अँटीऑक्सिडंट्स, व्हिटॅमिन ए, सी आणि पॉलीफेनॉल हे पोषक घटक मुबलक प्रमाणात आढळतात. हे घटक त्वचा अधिक ताजेलदार, मऊ आणि चमकदार करण्यास मदत करतात.
सफरचंदाच्या सालीपासून फेस पॅक बनवण्यासाठी सर्वप्रथम सफरचंद चांगले धुवा आणि सोलून घ्या. साल चांगली उन्हात वाळवा किंवा पंख्याखाली ठेवा.
सुकलेली सफरचंदाच्या साली मिक्सरमध्ये बारीक करा. त्यात मध , गुलाब पाणी घालून एक पेस्ट बनवा.
तयार फेस पॅक चेहऱ्याला , मानेला आणि पायाला लावून 15-20 मिनिटे तसेच राहू द्या.
आता चेहऱ्याला हलक्या हाताने मालिश करा आणि नंतर साध्या पाण्याने चेहरा धुवा. त्यानंतर चेहरा मॉइश्चराइज करा.
महिन्यातून दोन-तीन वेळा हा फेस पॅक चेहऱ्याला लावा. त्वचा हेल्दी आणि मुलायम होईल.
तेलकट, कोरडी आणि सामान्य अशा सर्व प्रकारच्या त्वचेसाठी सफरचंदाच्या सालीचा फेस पॅक फायदेशीर आहे. हिवाळ्यात कोरडी त्वचा राहत नाही.
सफरचंदाच्या सालीमुळे त्वचेतील मृत पेशी काढून टाकण्यास मदत होते. टॅनिंग आणि पिग्मेंटेशन हळूहळू कमी होते. चेहऱ्याला नैसर्गिक चमक मिळते.
कोणतेही घरगुती पदार्थ किंवा प्रोडक्ट त्वचेवर लावण्यापूर्वी आवर्जून पॅच टेस्ट करा. कारण आपली त्वचा संवेदनशील असते.