Saam Tv
नवीन अमृत भारत एक्सप्रेस गोरखपूरमार्गे धावणारी ही गाडी गुजरात, राजस्थान, उत्तर प्रदेश आणि बिहार यांना एकाच रेल्वे मार्गाने जोडेल.
ही ट्रेन गुजरातच्या भुज स्टेशनवरून निघून बिहारच्या बरौनी स्टेशनपर्यंत एकूण 2532 किलोमीटरचे अंतर कापेल.
ट्रेन क्र. 19427 भुज येथून दर सोमवार, बुधवार आणि शनिवार सायंकाळी 5:30 वाजता सुटेल आणि चौथ्या दिवशी पहाटे 4:05 वाजता बरौनीला पोहोचेल
ट्रेन क्र.19428 बरौनी येथून दर मंगळवार, गुरुवार आणि शनिवार रात्री 11:55 वाजता सुटेल आणि चौथ्या दिवशी दुपारी 1:15 वाजता भुज येथे पोहोचेल.
या प्रवासात ही ट्रेन सामखियाली, अहमदाबाद, रतलाम, कोटा, सवाई माधोपूर, भरतपूर, मथुरा, बरेली, गोंडा, गोरखपूर, सिवान, छपरा, हाजीपूर, मुझफ्फरपूर आणि समस्तीपूर या महत्त्वाच्या स्थानकांवर थांबेल.
अमृत भारत एक्सप्रेस ही सर्वसामान्यांसाठी परवडणारी आणि आधुनिक सोयी-सुविधा असलेली सुपरफास्ट ट्रेन आहे. या ट्रेनमुळे व्यापारी, रोजंदार मजूर आणि देशभरात प्रवास करणाऱ्या सर्वसामान्य प्रवाशांची मोठी सोय होणार आहे.
अमृत भारत एक्सप्रेस या गाडीमध्ये ११ जनरल क्लास डबे, ८ स्लीपर क्लास डबे, एक पॅन्ट्री कार आणि दिव्यांगांसाठी सामानविरहित २ डबे असतील.
या ट्रेनमध्ये सेमी-ऑटोमॅटिक कपलर, आग शोध प्रणाली आणि सीलबंद गँगवे यांसारख्या विशिष्ट सुविधा उपलब्ध असतील.
दोन्ही दिशेच्या प्रवाशांना आठवड्यातून तीन दिवस या सेवेचा पर्याय मिळणार आहे. त्यामुळे बुकिंग सुरू झाल्यानंतर, तिकीट काढताना तुम्हाला ट्रेनचा दिवस आणि उपलब्धता तपासावी.