Priya More
दारू प्यायल्यानंतर व्यक्तीचे नियंत्रण सुटल्याच्या अनेक घटना तुम्ही पाहिल्या असतील. पण यामागची कारण अनेकांना माहिती नसतात.
दारु प्यायल्यानंतर भांडणं होतात, मारामारी होते, शिवीगाळ केला जातो. दारु प्यायल्यानंतर त्या व्यक्तीला भान राहत नाही.
दारू प्यायल्यानंतर व्यक्तीचे नियंत्रण सुटण्यामागची ३ प्रमुख कारणं आहेत. ते आपण पाहणार आहोत.
पहिलं कारण म्हणजे दारू पिल्यावर बऱ्याच जणांचं नियंत्रण सुटतं. आपल्या मेंदूचा एक भाग असतो Prefrontal Cortex जो आपल्याला काय योग्य आणि काय अयोग्य हे सांगत असतो.
दारू मेंदूच्या Prefrontal Cortex या भागाला सुस्त करते ज्यामुळे व्यक्तीचं स्वतःवरचं नियंत्रण पूर्णपणे सुटतं.
दुसरं कारण म्हणजे ताकदीचा खोटा भ्रम. दारू पिल्यावर मेंदूमध्ये डोपामाईन नावाचं रसायन वाढतं ज्यामुळे अतिआत्मविश्वास आणि खोटा शूरपणा येतो.
दारू प्यायल्यानंतर माणसाला असं वाटतं की जणू संपूर्ण जग आता आपल्या मुठीतच आहे. त्यामुळे तो तशाच पद्धतीने वागतो.
तिसरं कारण म्हणजे भीती आणि भान नाहीसं होते. दारू पिल्यावर धोक्याची जाणीव करून देणारी यंत्रणा मंदावते.
दारू प्यायल्यानंतर अनेक वेळेस व्यक्ती कोणत्याही परिणामांचा विचार न करता थेट हिंसा आणि गोंधळ याच्याकडे वळतो.