Dhanshri Shintre
एअर कंडिशनर हा अनेक जणांच्या आयुष्याचा अविभाज्य भाग बनला आहे.
अनेक लोक घरात किंवा ऑफिसमध्ये बरेच तास वातानुकूलित (एसी) खोलीत राहतात.
परंतु डोळ्यांवर त्याचे दुष्परिणाम हळूहळू जाणवू लागतात. ते समजून घेणे गरजेचे आहे.
एसीमध्ये सतत बसल्यामुळे कोरड्या डोळ्यांची समस्या अधिक तीव्र होऊ शकते, बंद खोलीत एसी चालू असताना त्यामधून धूळ, परागकण, बुरशी यांसारखे घटक हवेत पसरतात.
यामुळे डोळ्यांच्या आसपास खाज, पुरळ किंवा अॅलर्जी होण्याचा धोका वाढलो.
विशेषतः ज्यांना आधीपासूनच डोळ्यांची कोरडेपणाची तक्रार आहे किंवा जे काँटॅक्ट लेन्स वापरतात, त्यांच्यासाठी ही स्थिती अधिक गंभीर ठरते.
डोळ्यांतील स्नेहक घटक कमी झाल्यामुळे डोळ्यांचा पृष्ठभाग सुरळीत राहत नाही. यामुळे ब्लर व्हिजन म्हणजेच धूसर दिसणं हे लक्षण दिसू शकते.
एसी शरीरातून घाम आणि उष्णता कमी करत असतो, पण त्याचबरोबर डोळ्यांसह त्वचा, घसा, नाक यांतील नैसर्गिक ओलावाही कमी करतो.
डोळ्यातील अश्रूच्या थरात जेव्हा ओलावा कमी होतो, तेव्हा तो थर संक्रमणापासून संरक्षण करण्यास कमी प्रभावी ठरतो.
डोळे चुरचुरणे, कोरडेपणा यावर स्नेहक (lubAicating) डोळ्यांचे थेंब उपयोगी ठरू शकतात. मात्र, जर सतत डोळ्यांत वेदना, धूसर दृष्टी, प्रकाशाची भीती किंवा तीव्र खाज असेल, तर नेत्रतज्ज्ञांचा सल्ला तातडीने घ्या.
स्वतःहून औषधं घेणं धोकादायक ठरू शकतं. कारण त्याने मूळ आजार दुर्लक्षिला जाऊ शकतो. तथापि, कालांतराने अधिक गंभीर स्वरूपात ही समस्या समोर येऊ शकते.