Manasvi Choudhary
हँडसम हंक अशी ओळख असलेला कार्तिक आर्यनचा आज ३३ वा वाढदिवस आहे.
कार्तिक आर्यनचा जन्म २२ नोव्हेंबर १९९० मध्ये मध्य प्रदेशातील ग्वाल्हेर येथे झाला.
कार्तिक आर्यन या नावाने प्रसिद्ध असलेल्या कार्तिकचे खरे नाव कार्तिक तिवारी आहे.
बॉलिवूड अभिनेता कार्तिक आर्यन टॉपच्या अभिनेत्यापैंकी एक आहे.चित्रपट कारकिर्दीत कार्तिकने अनेक सुपरहिट चित्रपट बॉलिवूडला मिळवून दिलेत.
अभिनय क्षेत्रात येण्यापूर्वी कार्तिकने प्रचंड मेहनत घेतली आहे. अनेक अडचणींचा त्याला सामना करावा लागला.
सुरूवातीला कार्तिक शिक्षणासाठी मुंबईत आला. त्यावेळेस त्याला अभिनयाची आवड निर्माण झाली.
शिक्षणाची आवड नसल्यामुळे कार्तिक कधीच कॉलेजला जायचा नाही. अभिनयाची आवड असल्याने लेक्चर किंवा परिक्षा सोडून कार्तिक ऑडिशन्स द्यायला जायचा.
कार्तिकला अभिनेता व्हायचे आहे हे सुरूवातीला कार्तिकच्या आई-वडिलांना देखील माहित नव्हते. कॉलेजच्या नावाखाली कार्तिकने कित्येक ऑडिशन्स दिल्या.
चित्रपटांमध्ये काम मिळवण्यासाठी कार्तिक मुंबईत आला यावेळेस नवी मुंबई ते मुंबई असा ट्रेनने प्रवास करण्यासाठी त्याच्याकडे तिकीटासाठी पैसे नव्हते.
सुरूवातीला कार्तिकने डिओडोरंटसाठी ऑडिशन द्यायचे ठरवले होते तेव्हा त्याच्याकडे पाहून त्याला बाहेरूनच नकार दिला होता.