Shreya Maskar
पावसाळ्यात ॲसिडीटी हा मुख्यत: जास्त आर्द्रतेमुळे होतो, ज्यामुळे तुमच्या शरीराची पचनक्रिया मंदावते. जेव्हा पचन मंदावते तेव्हा अन्न जास्त काळ पोटात राहते, परिणामी ॲसिडीटी वाढते. आहारातील बदल, जिवाणू संसर्ग आणि पाणी दूषित झाल्यामुळे पोट खराब होते.
सेलेरी प्रामुख्याने ॲसिडिटी रोखण्यास मदत करते कारण ती अत्यंत अल्कधर्मी असते आणि त्यात सुमारे ९५% पाणी असते.
सेलरीमुळे अपचनाची समस्या उद्भवत नाही. तसेच पोटात आणि छातीत जळजळ होत असेल तर ती लगेच थांबते. तसेच पोटाला थंडावा मिळतो.
सेलेरीला अजमोदा असेही म्हणतात. सेलेरीचा ज्यूस बनवण्यासाठी पाणी आणि अजमोदाची पाने/अजमोदाच्या बिया इत्यादी साहित्य लागते.
सेलेरी ज्यूस बनवण्यासाठी एका मोठ्या भांड्यात एक ग्लास पाणी चांगले उकळून घ्या. त्यात अजमोदाची पाने टाकून २-३ मिनिटे मंद आचेवर शिजू द्या आणि मिश्रण गाळून घ्या. तुम्ही यात आले किंवा लिंबू देखील मिक्स करू शकता.
सेलेरीचा छोटा एक ग्लास ज्यूस सकाळी रिकाम्या पोटी प्यायल्याने ॲसिडीटीची कोणतीच समस्या उद्भवत नाही आणि तुमचा दिवसही चांगला जातो.
अजमोदा पोटात गॅस दूर करून पचनक्रिया सुरळीत करते. यामुळे तुम्हाला आंबट ढेकर देखील येत नाही. तसेच उलट्या, पोटदुखी, पोट फुगणे , गॅस यांसारख्या समस्या उद्भवत नाही.
वरील माहिती आम्ही फक्त वाचक-प्रेक्षकांपर्यंत पोहचवत आहोत. याचं समर्थन अथवा दावा करत नाही. त्यामुळे कोणतेही उपचार, डाएट आणि औषधं तज्ज्ञांच्या सल्ल्यानं घ्यावीत.