Gangappa Pujari
बॉलीवूड अभिनेता व मिस्टर परफेक्शनिस्ट आमिर खानच्या घरात लगीनघाई सुरू आहे.
आमिरची लाडकी लेक आयरा खान ३ जानेवारीला तिचा मराठमोळा बॉयफ्रेंड नुपूर शिखरेबरोबर लग्नगाठ बांधणार आहे.
या दोघांनी नोव्हेंबर २०२२ मध्ये गुपचूप साखरपुडा उरकत त्यांच्या चाहत्यांना सुखद धक्का दिला होता.
आमिर खानचा जावई आणि इरा खानचा होणारा नवरा नुपूर शिखरे बॉलिवूडच्या प्रसिद्ध फिटनेस ट्रेनरपैकी एक आहे. नुपूर शिखरे यांचा जन्म 17 ऑक्टोबर 1985 रोजी पुण्यात झाला.
फिटनेस ट्रेनर असण्यासोबतच नुपूर चांगले डान्सरदेखील आहे. त्याने अनेकवेळा त्याचे डान्सचे व्हिडिओ शेअर केले आहेत. तो राज्यस्तरीय टेनिसपटू देखील आहे. अनेक स्पर्धांमध्येही त्याने भाग घेतला आहे.
त्याने 2014 मध्ये आयर्नमॅन 70.3 वर्ल्ड चॅम्पियनशिप आणि अल्टिमेट बीस्टमास्टर सीझन 2 स्पर्धेत भाग घेतला आहे.
इरा आणि नुपूर यांची भेटही जिममध्ये झाली आणि येथूनच त्यांचे प्रेम फुलले.
नुपूरने आयराला देखील फिटनेस ट्रेनिंग दिले आहे. याचदरम्यान दोघेही एकमेकांच्या प्रेमात पडले.
मुळचा पुण्याचा रहिवासी आहे आणि त्याने मुंबईतून ग्रॅज्युएशन केले आहे. नुपूर शिखरेचे नेटवर्थ 8.2 कोटी इतके आहे.