Manasvi Choudhary
आधारकार्ड हा सर्वात महत्वाच्या कागदपत्रांपैकी एक आहे. शाळा- कॉलेज अॅडमिशन ते नवीन फोन खरेदी करण्यापर्यंत अनेक कामांसाठी आधारकार्डची आवश्यकता असते.
मात्र तुमचेही आधारकार्ड जर हरवले असेल किंवा कुठे विसरला असाल तर काय करावे असा प्रश्न तुम्हाला देखील पडतो, यासाठी आज आम्ही तुम्हाला सोपा मार्ग सांगणार आहोत.
आधारकार्ड ऑनलाईन डाऊनलोड करण्याचा पर्याय असतो तो तुम्ही निवडू शकता. आधारकार्ड डाऊनलोड करताना अनेकदा अडचणी येतात मात्र तुम्ही या सोप्या स्टेप्सने ऑनलाईन आधारकार्ड डाऊनलोड करू शकता.
आधारकार्ड डाऊनलोड न होण्याचे सर्वात महत्वाचे कारण म्हणजे चुकीची माहिती. अनेकजण घाईगडबडीत चुकीची माहिती अपडेट करतात यामुळे आधारकार्ड डाऊनलोड प्रक्रिया थांबते त्यामुळे माहिती व्यवस्थित भरा.
आधार कार्ड डाऊनलोड करण्यासाठी मोबाईल नंबरवर ओटीपी येतो. यासाठी तुमचा मोबाईल नंबर आधारशी लिंक केलेला असावा. ही प्रोसेस झाली नसेल तर ओटीपी येणार नाही.
आधार कार्ड डाऊनलोड करण्यासाठी इंटरनेटचे कनेक्शन स्ट्राँग असणे महत्वाचे आहे. इंटरनेट नीट नेसल तर वेबसाइट पूर्णपणे लोड होणार नाही.
जेव्हा मोठ्या संख्येने वापरकर्ते एकाचवेळी डाऊन लोड करण्यासाठी, अपडेट करण्यासाठी किंवा इतर सेवा वापरण्यासाठी वेबसाईट वापरतात तेव्हा सर्व्हरवर लोड येतो अशावेळी वेबसाइट डाऊन होते.
सुरक्षेच्या कारणास्तव, UIDAI वेबसाईटवर कॅप्चा भरणे अनिवार्य आहे. जर तुम्ही कॅप्चा चुकीचा भरला किंवा अक्षरे चुकीची भरली असतील तर तुम्हाला आधारकार्ड डाऊनलोड करण्यासाठी अडथळा येऊ शकतो.