Sakshi Sunil Jadhav
कोंडेश्वर मंदिराच्या परिसरात असलेला हा धबधबा बदलापूरपासून सर्वात जवळच्या पर्यटनस्थळांपैकी एक आहे. पावसाळ्यात तुम्हाला इथे हिरवागार निसर्ग, थंडगार वातावरण आणि धबधब्याचा मनमोहक नजारा पर्यटकांना आकर्षित करतो.
बारवी धरणाच्या आसपास पावसाळ्यात बरेच छोटे नैसर्गिक धबधबे तयार होतात. शांत वातावरण, दाट जंगल आणि निसर्गरम्य दृश्यांमुळे हा परिसर फोटोग्राफी आणि पिकनिकसाठी बेस्ट मानला जातो.
कर्जतजवळचा भिवपुरी धबधबा ट्रेकर्स आणि साहसी पर्यटकांमध्ये विशेष लोकप्रिय आहे. रेल्वेने सहज पोहोचता येत असल्याने वीकेंडला येथे मोठ्या प्रमाणात पर्यटक भेट देतात.
पळसदरी गावाजवळील हा धबधबा कमी गर्दीचा असल्यामुळे शांत वेळ घालवण्यासाठी योग्य आहे. छोटा ट्रेक केल्यानंतर दिसणारा धबधबा आणि आजूबाजूची हिरवाई मनाला प्रसन्न करते.
खोपोलीजवळील झेनिथ धबधबा पावसाळ्यात प्रचंड जलप्रवाहामुळे जास्त आकर्षक दिसतो. साहसी भटकंतीची आवड असलेल्या पर्यटकांसाठी हे ठिकाण लोकप्रिय असले तरी सुरक्षिततेची काळजी घेणे आवश्यक आहे.
भंडारदरा परिसरातील रंधा धबधबा महाराष्ट्रातील सर्वात प्रसिद्ध धबधब्यांपैकी एक मानला जातो. पावसाळ्यात धबधब्याचा प्रचंड वेग आणि धुक्याने भरलेले वातावरण पर्यटकांना अविस्मरणीय अनुभव देते.
माळशेज घाटातून प्रवास करताना रस्त्यालगत अनेक हंगामी धबधबे पाहायला मिळतात. ढगांनी वेढलेले डोंगर, धुके आणि हिरवीगार दरी यामुळे हा परिसर पावसाळी पर्यटनासाठी सर्वोत्तम मानला जातो.
इतिहासप्रसिद्ध नाणेघाट परिसरात पावसाळ्यात अनेक लहान-मोठे धबधबे वाहू लागतात. ट्रेकिंग, निसर्गभ्रमंती आणि सह्याद्रीचे विहंगम दृश्य अनुभवण्यासाठी हे ठिकाण पर्यटकांची पहिली पसंती ठरते.