Saam Tv
दीर्घकाळ कमी तापमानामध्ये किंवा थंड हवेत बसल्यामुळे सांध्यांमध्ये कडकपणा वाढतो.
एसी खोलीतील हवेचे तापमान कमी करण्यासोबतच ओलावाही शोषून घेतो. त्यामुळे त्वचेची आर्द्रता कमी होऊन शरीरात पाण्याची कमतरता भासू लागते आणि त्वचेवर लवकर सुरकुत्या दिसू शकतात.
तासनतास संगणकासमोर काम करणाऱ्या लोकांच्या डोळ्यांत खाज सुटणे किंवा कोरडेपणा जाणवतो, कारण एसीतील हवा डोळ्यांमधील आवश्यक ओलावा संपवून टाकते.
एसीच्या थंड हवेत जास्त वेळ राहिल्याने शरीराचे तापमान कृत्रिमरीत्या खूप कमी होते, ज्यामुळे रक्तवाहिन्या आकुंचन पावतात आणि रक्ताभिसरण प्रभावित होते. यातून पुढे डोकेदुखी, चक्कर येणे, मळमळ आणि लो ब्लड प्रेशरचा त्रास होऊ शकतो.
एसीच्या अतिथंड वातावरणातून एकदम बाहेर सामान्य तापमानात गेल्यावर शरीर तापमानातील बदलाशी पटकन जुळवून घेऊ शकत नाही. यामुळे ताप, चिडचिड, थकवा आणि उष्णतेचा त्रास वाढू शकतो.
बऱ्याच काळापासून एसीची सफाई न केल्यास त्यात धूळ साचून ती खोलीत पसरू लागते, ज्यामुळे श्वसनाचे आजार बळावू शकतात.
एसी वापरण्यापूर्वी त्याची व्यवस्थित सर्विसिंग करून घ्या, जेणेकरून साचलेली धूळ निघून जाईल.
खोलीमध्ये ताजी हवा आणि सूर्यप्रकाश खेळता राहावा म्हणून खिडक्या-दरवाजे मध्ये -मध्ये उघडा.
थेट एसीच्या समोर बसणे टाळा आणि तापमान खूप कमी ठेवू नका.
खोलीतील हवेत ओलावा टिकून राहण्यासाठी आणि डोळे-त्वचा कोरडी पडू नये म्हणून एसी सुरू असलेल्या खोलीत पाण्याने भरलेले एक भांडे ठेवा.
दर दोन तासांनी काही वेळ एसी बंद करा, जेणेकरून खोलीचे तापमान संतुलित राहील.
NEXT : रताळे खाण्याचे हे आहेत ५ जबरदस्त फायदे, जाणून घ्या