Manasvi Choudhary
वटपौर्णिमा या सणाला महिला खास नटतात- सजतात. साडी नेसतात. साडी नेसल्यावर मराठमोळ्या पारंपारिक लूकवर अनेक महिलांना केसांची हेअरस्टाईल काय करावी हे सुचत नाही.
नेहमीच मोकळे केस किंवा एक रबर लावण्याऐवजी तुम्ही केसांच्या ५ सुंदर हेअरस्टाईल्स करू शकता.
काठपदर साडीवर तुम्ही बन हेअरस्टाईल करू शकता. त्यावर तुम्ही मोगऱ्याच्या फुलांचा गजरा किंवा गुलाबाचे फूल लावा.
आजकाल बाजारात विविध हेअर ब्रोच मिळतात ते देखील तुम्ही केसांसाठी वापरू शकता यामुळे लूक उठून दिसतो.
तुमचे केस जर मोठे असतील तर तुम्ही केसांची लांब सागर किंवा खजूर वेणी बांधा आणि त्यावर गजरा लावा.
क्लासिक स्लीक अंबाडा ही हेअरस्टाईल तुम्ही खास काठपदरी साड्यांवर करू शकता. या हेअरस्टाईल्समध्ये केस मधून किंवा बाजूने भांग पाडून घट्ट मागे बांधले जातात.
नेट किंवा शिफॉन साडी नेसली असेल तर तुम्ही मेसी अंबाडा ही हेअरस्टाईल करू शकता. केस सैलसर मागे घेऊन मानेपाशी हा अंबाडा बांधा.