Manasvi Choudhary
डोळ्यांखालील काळी वर्तुळे म्हणजेच डार्क सर्कल्समुळे चेहरा थकलेला आणि निस्तेज दिसतो, ज्यामुळे चेहऱ्याचे नैसर्गिक तेज कमी होते.
यासाठी तुम्ही दररोज मेकअप करण्यापूर्वी महागड्या प्रॉडक्ट्सचा वापर करण्याऐवजी काही सोप्या टिप्स फॉलो करू शकता.
अपुरी झोप हे डार्क सर्कल्स होण्याचे सर्वात मुख्य कारण आहे. दररोज पुरेशी ७ ते ८ तासांची झोप घेतल्यास डोळ्यांवरील ताण कमी होतो आणि काळी वर्तुळे हळूहळू नाहीशी होतात.
डोळ्यांच्या सुजेसाठी आणि थकवा दूर करण्यासाठी सुती कपड्यात बर्फाचा तुकडा गुंडाळून डोळ्यांच्या भोवती हलक्या हाताने शेक द्या. यामुळे रक्तप्रवाह सुधारतो आणि डार्क सर्कल्स कमी होण्यास मदत होते.
घराबाहेर पडताना धूळ, प्रदूषण आणि सूर्यप्रकाश किरणांपासून डोळ्यांच्या नाजूक त्वचेचे संरक्षण करा, सनस्क्रिन लावा.
मोबाईल, लॅपटॉप किंवा टीव्हीसमोर सतत तासनतास बसल्यामुळे डोळ्यांवर ताण येतो. यासाठी कामाच्या दरम्यान थोडा ब्रेक घ्या आणि डोळ्यांना विश्रांती द्या.
डोळ्यांखाली कोणतीही नवीन क्रीम, सीरम किंवा घरगुती उपाय करण्यापूर्वी हातावर छोटी पॅच टेस्ट नक्की करून पहा, जेणेकरून त्वचेची कोणतीही अॅलर्जी होणार नाही याची खात्री होईल.