Manasvi Choudhary
आजकाल कामाच्या धावपळीमध्ये खाण्यापिण्याकडे आपण फारसे लक्ष देत नाही. चुकीच्या खाण्यापिण्यामुळे आरोग्याच्या समस्या निर्माण होतात. गॅस, अॅसिडिटी, पित्त, छातीत जळजळ होणे, मळमळणे किंवा तोंड कडू पडणे यांसारखी लक्षणे दिसू लागतात.
तुम्हालाही जर पित्ताचा त्रास होत असेल, तर काही मिनिटांत आराम मिळवण्यासाठी हे १० सोपे आणि प्रभावी उपाय नक्की करून पहा
जेवणात किंवा रोजच्या आहारात तुपाचा समावेश करा. तूप पचनक्रिया सुधारून अॅसिडिटीपासून त्वरित आराम देतो.
थंड दूध, ताक किंवा घरचे लोणी खाल्ल्याने पोटातील उष्णता कमी होते आणि छातीत होणारी जळजळ शांत होते.
संत्री किंवा मोसंबीसारख्या जास्त आंबट फळांऐवजी केळी, डाळिब, पपई किंवा कलिंगड यांसारखी चवीला गोड आणि थंड फळे खावीत.
आवळ्यामध्ये व्हिटॅमिन सी आणि थंड गुणधर्म असतात. आवळा किंवा आवळ्याचा रस घेतल्याने पित्त नियंत्रणात राहते.
जेवणात काकडी, मुळा, बीट आणि लिंबू यांसारख्या पदार्थांचा समावेश करा. हे पोटाचे तापमान नियंत्रित ठेवण्यास मदत करतात.
दिवसभरात भरपूर पाणी प्यायल्याने पोटातील विषारी घटक (Toxins) बाहेर पडतात आणि अॅसिडिटीचा त्रास होत नाही.
उन्हाळ्यात किंवा पित्ताचा त्रास जाणवल्यास थंड पाण्याने आंघोळ केल्यास शरीराला आणि मनाला थंडावा मिळतो.
शरीराला अति थकवणारे काम किंवा दिवसभर एकाच जागी बसून राहण्यासारखा अतिआळस टाळा, यामुळे पचनक्रिया सुरळीत राहते.
चहा आणि कॉफीच्या अतिसेवनामुळे अॅसिडिटी वाढते. तसेच मानसिक ताणतणाव कमी करण्यासाठी नियमित ध्यान करा.