Manasvi Choudhary
सकाळच्या धावपळीत ऑफिसचा डबा, मुलांच्या शाळेची तयारी अशावेळी नाश्ता बनवायला वेळ मिळत नाही.
सकाळच्या नाश्त्याला रोजच काय बनवावे असा प्रश्न महिलांना पडतो. सकाळी झटपट तुम्हाला रव्यापासून बनवता येतील अशा सोप्या रेसिपी या वेबस्टोरीतून सांगणार आहोत.
एका भांड्यामध्ये रवा आणि दही एकत्र करून १० मिनिटे बाजूला ठेवा नंतर त्यात चवीनुसार मीठ आणि इनो घालून चांगले फेटून घ्या. नंतर एका प्लेटमध्ये तेल लावा आणि त्यात मिश्रण ओतून १० ते १२ मिनिटे वाफेवर शिजवून घ्या. त्यानंतर मोहरी-कढीपत्त्याची खमंग फोडणी द्या.
एका भांड्यामध्ये रवा, तांदळाचे पीठ, मीठ आणि पाणी मिक्स करून मिश्रण तयार करा. हे मिश्रण आंबवण्यासाठी काही वेळ ठेवा. नंतर गॅसवर गरम पॅनमध्ये मिश्रण पसरवून डोसा दोन्ही बाजूंनी खरपूस भाजून घ्या.
एका भांड्यामध्ये दही मिक्स करा नंतर त्यात रवा भिजवून मीठ आणि इनो टाका. इडलीच्या भांड्याला तेल लावून मिश्रणओता आणि १० ते १५ मिनिटे वाफेवर शिजवून घ्या.
रवा उपमा बनवण्यासाठी कढईमध्ये रवा चांगला भाजून घ्या. नंतर रवा एका प्लेटमध्ये काढून त्याच कढईत गरम तेलामध्ये मोहरी, जिरे, शेंगदाणे, कांदा आणि मिरची परतून घ्या. त्यात दीड ते दोन वाटी पाणी उकळवून घ्या. पाणी उकळल्यावर भाजलेला रवा हलक्या हाताने हळूहळू ओता, जेणेकरून गाठी होणार नाहीत. झाकण ठेवून वाफेवर उपमा शिजवून घ्या.
गॅसवर कढईत गरम तूपामध्ये त काजू-मनुके चांगले परतून घ्या नंतर त्यात रवा भाजून घ्या. या मिश्रणात उकळलेले गरम पाणी मिक्स करा. रव्याच्या गुठळ्या होणार नाहीत हे पाहा. रवा शिजल्यावर साखर आणि वेलची पूड मिक्स करा. साखर विरघळली की वरून साजूक तूप सोडून गरमागरम शिरा तयार करा.