ब्युरो रिपोर्ट, साम टीव्ही, मुंबई
स्टायलिश लूकसाठी आजकाल हेअर कलर वापरणे सामान्य झाले आहे. काही लोक पांढरे केस लपविण्यासाठी केसांचा रंग वापरतात. तर काही स्टायलिश दिसण्यासाठी वापरतात.
सतत हेअर कलर केल्याने आरोग्यावर कोणते परिणाम होतात, जाणून घ्या.
केमिकलयुक्त रंगांमुळे केसांची मुळे कमकुवत होतात, ज्यामुळे केस गळण्याची समस्या वाढते.
या रंगात असलेले केमिकल टाळूला नुकसान पोहोचवू शकतात, ज्यामुळे टाळूवर खाज सुटणे, जळजळ होणे आणि ऍलर्जी अशा समस्या उद्भवतात.
वारंवार केसांना रंग लावल्याने केसातील नैसर्गिक तेल निघून जाते आणि केस कोरडे होतात.
हेअर कलरमधील तीव्र वासामुळे आणि केमिकलमुळे डोकेदुखी आणि डोळ्यांची जळजळ होऊ शकते.
वारंवार हेअर कलर केल्याने त्वचा आणि श्वसनाशी संबधित समस्या वाढू शकतात. म्हणून नेहमी मर्यादित प्रमाणात हेअर कलर करा तसेच चांगले प्रोडक्ट्स वापरा.