Shreya Maskar
दही मधील बुरशीविरोधी गुणधर्म मुळापासून कोंडा नाहीसा करण्यास मदत करतात. तसेच कोरड्या आणि निर्जीव केसांना पोषणही मिळते.
टाळूपासून केसांच्या टोकांपर्यंत दही व्यवस्थित लावा. दही केसांवर एक तास तसेच राहू द्या आणि नंतर सौम्य शॉम्पूने धुवा.
लिंबातील जीवाणूविरोधी आणि बुरशीविरोधी गुणधर्म टाळू स्वच्छ करण्यास आणि कोंडा कमी करण्यास मदत करतात.टाळूवर ताज्या लिंबाचा रस लावा. १०-१५ मिनिटांनंतर कोमट पाण्याने केस धुवा. त्यानंतर केस कोरडे करा.
कोरफडीमध्ये दाहशामक आणि जीवाणूविरोधी गुणधर्म असतात, जे टाळूला आराम देतात आणि कोंडा कमी करतात.
हातावर ताज्या कोरफडीचा गर घ्या आणि तो टाळूवर व्यवस्थित मालिश करा. ३० मिनिटे तसेच राहू द्या आणि नंतर सौम्य शॉम्पूने केस धुवा.
ॲपल सायडर व्हिनेगर टाळूच्या पीएच पातळीचे संतुलन साधून कोंडा कमी करण्यास मदत करते.
ॲपल सायडर व्हिनेगर पाण्यात मिसळा आणि ते तुमच्या टाळूवर लावा. १५ मिनिटांनंतर केस धुवा. व्हिनेगरचा वास काढून टाकण्यासाठी सुगंधीत शॉम्पूने केस धुवा.
वरील माहिती आम्ही फक्त वाचक-प्रेक्षकांपर्यंत पोहचवत आहोत. याचं कुठलेही समर्थन अथवा दावा करत नाही.