Manasvi Choudhary
कांदा हा आहारातील महत्वाचा घटक मानला जातो. कोणत्याही भाजीमध्ये कांद्याचा वापर केला जातो.
परंतु, अनेकजण कांदा खाणे टाळतात. कांदा न वापरता कोणत्या ५ भाज्या बनवता येतात ते पाहूया.
उकडलेल्या किंवा कच्च्या बटाटे बारीक कापून तेलावर जिरे, मोहरी, कढीपत्ता, हिंग, हळद आणि हिरव्या मिरचीची खमंग फोडणी देऊन भाजी बनवा.
दुधी भोपळा हा पचनास अत्यंत हलका आणि पाण्याचे प्रमाण भरपूर असलेला भाजीपाला आहे. भिजवलेली चणा डाळ, दुधी भोपळा, टोमॅटो, आले-लसूण पेस्ट (किंवा फक्त आले-जिरे) आणि सुके मसाले घालून केलेली ही भाजी प्रथिनांनी समृद्ध व चविष्ट होते.
भेंडीची भाजी कांदा न घालताही खूप छान होते. भेंडी तेलात चांगली परतून घेतल्यानंतर त्यात टोमॅटोची प्युरी, धणे-जिरे पावडर, आमचूर पावडर आणि शेंगदाण्याचे कूट मिक्स करा.
लाल भोपळ्याची भाजी तुम्ही बनवू शकता. ही भाजी अत्यंत चविष्ट लागते. कांदा न वापरता मेथी दाणे, जिरे, हिंग, गूळ, चिंच किंवा आमचूर पावडर वापरून बनवलेली भोपळ्याची भाजी नक्की ट्राय करा.
वांगी आणि टोमॅटोची कांदा न वापरता बनवलेली रस्सा किंवा सुकी भाजी अत्यंत चवदार लागते.