ब्युरो रिपोर्ट, साम टीव्ही, मुंबई
पावसाळ्यात ठिकठिकाणी पाणी साचल्यामुळे डासांचे प्रमाण वाढते. यामुळे डेंग्यू, मलेरिया सारख्या आजारांचा धोका वाढतो.
आज आम्ही तुम्हाला पावसाळ्यात डेंग्यूपासून बचावासाठी काही प्रभावी टिप्सबद्दल सांगणार आहोत. जाणून घ्या
जर तुम्हाला पावसाळ्यात डेंग्यूपासून वाचायचे असेल तर पूर्ण बाह्यांचे कपडे घाला. कारण डास बहुतेकदा हात आणि पायांना चावतात. त्यामुळे डेंग्यू होण्याचा धोका असतो.
झोपताना मच्छरदाणीचा वापर करा. मच्छरदाणी डासांच्या चावण्यापासून वाचवतात.
जर तुम्ही कूलर वापरत असाल तर पावसाळ्यात डास अंडी घालू नयेत म्हणून कूलरमधील पाणी नियमितपणे बदला.
डेंग्यूशी लढण्यासाठी तुमची रोगप्रतिकार शक्ती मजबूत असणे खूप महत्वाचे आहे. यासाठी आहारात संत्री, किवी, पालक आणि बदाम यांचा समावेश करा.
पावसाळ्यात डेंग्यूपासून बचावासाठी दररोज पाण्याचे भांडे स्वच्छ करा आणि ते झाकून ठेवा.