Shraddha Thik
Hyundai ची सर्वात लोकप्रिय SUV Creta चा फेसलिफ्ट नवीन व्हर्जन 16 जानेवारी रोजी भारतीय बाजारपेठेत दाखल होणार आहे.
कंपनीने ग्राहकांसाठी 2024 क्रेटा फेसलिफ्ट मॉडेलचे बुकिंग सुरू केले आहे. 25 हजार रुपये बुकिंग रक्कम भरून तुम्ही ही कार बुक करू शकता.
बुकिंगसाठी, तुम्हाला तुमच्या जवळच्या कार डीलरशी संपर्क साधावा लागेल किंवा तुम्ही Hyundai च्या अधिकृत साइटवरून नवीन Creta बुक करू शकता.
तुम्हाला Hyundai ची नवीन Creta एकूण सात प्रकारांमध्ये मिळेल, E, EX, S, S(O), SX, SX Tech, SX (O). ही कार 6 मोनो-टोन कलर पर्याय आणि 1 ड्युअल-टोन कलर पर्यायामध्ये खरेदी केली जाऊ शकते.
Hyundai ने या आगामी SUV चे काही फोटो देखील शेअर केले आहेत, या कारचे फ्रंट, रियर आणि इंटीरियर डिझाईन फोटोंमध्ये दिसत आहे. सध्याच्या मॉडेलच्या तुलनेत नवीन क्रेटाच्या फ्रंट डिझाइनमध्ये लक्षणीय सुधारणा करण्यात आली आहे.
नवीन क्रेटामध्ये तुम्हाला पूर्वीपेक्षा मोठा आणि चांगला फ्रंट ग्रिल मिळेल. याशिवाय हेडलॅम्प आणि एलईडी डेटाइम रनिंग लाइट्समध्येही बदल करण्यात आले आहेत.
तुम्हाला केवळ बाह्य डिझाइनमध्येच बदल दिसत नाहीत, तर कारच्या आतील भागातही अनेक बदल पाहायला मिळतील.
आता नवीन Creta मध्ये तुम्हाला एक मोठी टचस्क्रीन इन्फोटेनमेंट सिस्टम आणि एक मोठा डिजिटल इन्स्ट्रुमेंट क्लस्टर डिस्प्ले मिळणार आहे. एवढेच नाही तर नवीन क्रेटा 360 डिग्री कॅमेरा फीचरसह येऊ शकते.