Shreya Maskar
१९८० च्या दशकातील मोटरसायकलचा कोणी उल्लेख केला, तर 'राजदूत' मोटरसायकलचे नाव नक्कीच समोर येईल. बाईच्या इंजिनमुळे या बाईकला भारतीय रस्त्यांवर एक विशेष ओळख मिळाली होती.
१९८० सालची भारत मोटर्सची एक जुनी पावती (Receipt) सोशल मीडियावर व्हायरल होत आहे. जी पाहून तुम्ही थक्क व्हाल.
२० जून, १९८० रोजीच्या या पावतीनुसार, एका व्यक्तीने १७५ सीसी राजदूत मोटरसायकल खरेदी केली होती. तिची मूळ किंमत फक्त ९,००० रुपये होती आणि १,००० रुपयांच्या करासह एकूण बिल १०,००० रुपये झाले होते.
आजच्या जगात, जिथे केवळ सर्व्हिस आणि विम्यासाठी हजारो रुपये लागू शकतात, तिथे फक्त १०,००० रुपयांमध्ये संपूर्ण गाडी मिळणे हे चमत्कारापेक्षा कमी वाटत नाही. त्या काळात 'राजदूत' बाईकला खूप मान होता.
ही व्हायरल झालेली पावती आपल्याला दाखवते की काळानुसार पैशाचे मूल्य कसे बदलले आहे. व्हायरल होणारी रिसिप्ट MP Sahab या युजरने शेअर केली आहे.
सोशल मीडियावर पावती शेअर करणाऱ्या युजरने लिहिले की, "आजच्या काळात मोटरसायकल किती परवडणारी आहे..."
युजरने पुढे लिहिलं की, "१९८० साली, एक अॅम्बेसेडर मोटरसायकल १०,००० रुपयांना मिळत होती. त्या वेळी एक एकर जमिनीची किंमत ५,००० रुपये होती, म्हणजेच ते वाहन २ एकर जमिनीच्या किमतीत मिळत होते. तर आज, २ एकर जमिनीची किंमत किमान ४० लाख रुपये आहे..."
या व्हायरल पोस्टवर कमेंट्सचा पाऊस पडत आहे. काही जण याला 'जुने दिवस सोन्यासारखे' म्हणत आहेत, तर काही जण आजच्या ईएमआय आणि वाढत्या पेट्रोलच्या किमतींवर टीका करत आहेत.