Shreya Maskar
चालणे हा निरोगी राहण्याचा सर्वात सोपा आणि प्रभावी मार्ग आहे, यामुळे वजन नियंत्रणात ठेवणे, हृदयाचे आरोग्य सुधारते आणि रक्तातील साखर नियंत्रित ठेवण्यास मदत होते.
msn ने दिलेल्या माहितीनुसार, २०२४ च्या अभ्यासात (Enhanced muscle activity during interrupted sitting improves glycemic control in overweight and obese men) असे आढळून आले की, दर ४५ मिनिटांनी १० स्क्वॅट्स केल्यावर जेवणानंतरची रक्तातील साखर कमी करण्यासाठी ३० मिनिटांच्या चालण्यापेक्षा अधिक प्रभावी ठरते.
अभ्यासात जास्त वजन, लठ्ठ पुरुषांचा समावेश होता. संशोधकांनी ४ क्रिया पद्धतींची तुलना केली. यात अखंड बसणे, ३० मिनिटांचे चालणे, दर ४५ मिनिटांनी चालण्याचे आणि दर ४५ मिनिटांनी स्क्वॉट्स करणे. तेव्हा असे दिसून आले की, दीर्घकाळ बसून राहण्यापेक्षा सर्व प्रकारची हालचाल अधिक प्रभावी होती.
संशोधकांच्या मते, एका सलग चालण्याच्या सत्राच्या तुलनेत वारंवार स्क्वॅट्स करण्याच्या सवयीमुळे रक्तातील साखरेचे नियंत्रण सुमारे ४०% ने सुधारले.
दीर्घकाळ बसून राहिल्याने शरीराची रक्तातील साखरेचे प्रभावीपणे नियमन करण्याची क्षमता कमी होते. दिवसभरात लहान हालचालींचे ब्रेक घेतल्याने मोठे स्नायू सक्रिय राहतात, ज्यामुळे रक्तप्रवाहातून ग्लुकोज घेऊ शकतात.
वजन व्यवस्थापनास मदत होते. चयापचय क्रिया सक्रिय राहते. भुकेशी संबंधित हार्मोन्सचे नियमन होते. हृदय, चयापचय आरोग्य चांगले राहते.
स्क्वॉट्स नियमित केल्यास शरीराची ताकद वाढते आणि टिकून राहते. क्वाड्रिसेप्स, ग्लूट्स आणि हॅमस्ट्रिंग यांसारख्या प्रमुख स्नायू सक्रिय होतात. पडण्याचा धोका कमी होतो आणि हाडांची घनता वाढण्यास मदत होते.
वरील माहिती आम्ही फक्त वाचक-प्रेक्षकांपर्यंत पोहचवत आहोत. याचं समर्थन अथवा दावा करत नाही. त्यामुळे कोणतेही उपचार, डाएट आणि औषधं तज्ज्ञांच्या, डॉक्टरांच्या सल्ल्यानं घ्यावीत.