Sakshi Sunil Jadhav
जेवणासोबत आपण तोंडीलावायला हिरव्या मिरच्या तळतो, किंवा पापड तळतोच. पण तुम्हाला आणखी काही चटपटीत खायचं आहे का?
पुढील माहितीत आपण कांदा पापडाची चटपटीत चटणी कशी बनवायची? याची सगळ्यात सोपी रिसिपी जाणून घेणार आहोत.
२ बारिक चिरलेले कांदे, भाजलेले उडदाचे पापड ६, लसणाच्या पाकळ्या, हिरव्या मिरच्या ४, भाजलेले शेंगदाणे अर्धा कप, तेल, जिरं, टोमॅटो, मीठ, कोथिंबीर इ.
लसूण, हिरव्या मिरच्या आणि भाजलेले शेंगदाणे खलबत्त्यात जाडसर कुटून घ्या.
कढईत तेल गरम करून जिरे टाका, नंतर कांदा घालून सोनेरी होईपर्यंत परता.
आता तयार कुटलेलं मिश्रण घालून 2 ते 3 मिनिटे परता.
शेवटी त्यात कांदा, टोमॅटो आणि मीठ घालून थोडं शिजवून घ्या. पण जास्त पाणी सुटेल अशा पद्धतीने शिजवू नका.
आता पापड कुस्करून घाला, कोथिंबीर टाका आणि 2-3 मिनिटे परतून गरमागरम सर्व्ह करा.