Shruti Vilas Kadam
सोनी मराठीवरील लोकप्रिय कार्यक्रम ‘महाराष्ट्राची हास्यजत्रा’ने आठ वर्षांचा यशस्वी प्रवास पूर्ण केला आहे. या कार्यक्रमामुळे अभिनेत्री शिवाली परब घराघरात पोहोचली आणि तिला मोठी लोकप्रियता मिळाली.
शिवालीने नुकतेच रॉयल अंदाजातील खास फोटोशूट केले आहे. तिचे हे फोटो सध्या सोशल मीडियावर चर्चेचा विषय ठरत आहेत.
या फोटोशूटसाठी शिवालीने पेस्टल गुलाबी आणि लाल रंगाची सुंदर साडी नेसली आहे. पारंपरिक आणि आकर्षक रंगसंगतीमुळे तिचा लूक अधिक खुलून दिसत आहे.
साडीवर शिवालीने निवडलेले भरजरी दागिने तिच्या रॉयल लूकला चारचाँद लावत आहेत. दागिन्यांमुळे तिचा पारंपरिक अंदाज आणखी उठून दिसतोय.
शिवालीने या फोटोशूटमध्ये वेगवेगळ्या पोझ देत आपला सुंदर अंदाज दाखवला आहे. तिच्या या फोटोंमध्ये पारंपरिक सौंदर्य आणि ग्लॅमरस स्टाइलचा सुरेख मिलाफ पाहायला मिळतो.
या फोटोशूटसोबत शिवालीने “कोई जाके वैद बुलाओ.. आके धारे मोरी नारी.. हाए राम…” असे खास कॅप्शन लिहिले आहे. तिच्या कॅप्शनचीही सोशल मीडियावर चर्चा होत आहे.
पेस्टल गुलाबी-लाल साडी, भरजरी दागिने आणि रॉयल अंदाजातील शिवालीचे फोटो चाहत्यांचे लक्ष वेधून घेत आहेत. तिचा हा पारंपरिक लूक साडीप्रेमींसाठीही खास फॅशन इंस्पिरेशन ठरू शकतो.