Sakshi Sunil Jadhav
आयुष्यात पैसा खूप महत्वाचा असतो. ज्याला स्वत:ची स्वप्न, फॅमिलीची आजारपणं, घरासाठी किंवा भविष्यासाठी पेन्शन हवी असेल तर अनेकजण गुंतवणुकीचा पर्याय निवडतात. पुढील योजनांमध्ये तुम्हाला ७ ते ८ टक्क्यांपर्यंत व्याजाचा परतावा मिळू शकतो.
महिला सन्मान बचत प्रमाणपत्र (MSSC) ही योजना महिलांसाठी खूप सोयीची ठरते. यामध्ये तुम्हाला दोन वर्षांच्या कालावधीमध्ये फक्त १००० रुपयांमध्ये खातं उघडता येतं.
तुम्ही या योजनेत जास्त २ लाखपर्यंतची गुंतवणूक करु शकता. खातं उघडल्यानंतर १ वर्षानंतर ठेवीच्या ४०% रक्कम काढण्याची सोय तुम्हाला यामध्ये मिळते. काही अटींच्या अधीन राहून, सहा महिन्यांनंतर खाते बंद सुद्धा करता येतं.
सुकन्या समृद्धी योजनेत तुमच्या मुलींसाठी गुंतवणुक करता येते. मुलींचे वय १० वर्षांखाली असायला हवं. यामध्ये तुम्हाला ८.२ टक्क्यांपर्यंत व्याज मिळू शकतं.
सार्वजनिक भविष्य निधी (पीपीएफ) योजनेत तुम्हाला ७.१ टक्क्यांपर्यंत व्याज मिळतं. यामध्ये तुम्ही फक्त ५०० रुपयांपर्यंत गुंतवणुक करू शकता.
तुम्हाला या योजनेत १५ वर्षे गुंतवणूक करता येते. मुदतपूर्तीनंतर, रक्कम आणखी ५ वर्षांसाठी वाढवता येते. मुदतपूर्तीची रक्कम देखील पूर्णपणे करमुक्त असते.
पोस्ट ऑफिस मासिक उत्पन्न योजनेत (POMIS)एकरकमी गुंतवणूक केल्यानंतर पुढच्याच महिन्यापासून व्याज मिळण्यास सुरुवात होते. यामध्ये ७.४ वार्षिक व्याज मिळतं.
ज्येष्ठ नागरिक बचत योजनेमध्ये (SCSS) सेवानिवृत्तीनंतरचा आर्थिक ताण कमी करता येतो. यामध्ये पोस्ट ऑफिस ८.२ टक्केपर्यंत व्याज देते. तुम्हाला यामध्ये १,००० रुपयांपासून गुंतवणुक सुरू करता येते. त्यामध्ये एका खात्यासाठी १५ लाखांची मर्यादा असते.