Sunil Tatkare: खरी राष्ट्रवादी कोणती? अखेर जनतेनं उत्तर दिलचं, सुनिल तटकरेची प्रतिक्रिया

अनेकदा खरी राष्ट्रवादी कोणती असं आम्हाला विचारण्यात येतं. मात्र आता जनतेनी दाखवून दिलं आहे की खरी राष्ट्रवादी नेमकी कोणाच्या बाजूने आहे. महाराष्ट्र विधानसभा निवडणुकीच्या निकाल महायुतीच्या बाजूने लागला आहे. महायुतीने यंदा २२५ चा आकडा पार केला आहे. लवकरच महायुती बहुमताचा आकडा पार करण्याची शक्यता आहे. अशातच महायुतीच्या नेत्यांकडून विजयाचा जल्लोष सुरू झाला आहे. नुकतंच राष्ट्रवादी अजित पवार गटाचे नेते सुनिल तटकरे यांनी प्रतिक्रिया दिली आहे.

महाराष्ट्रातील तमाम माय माऊलींचे मी मनापासून आभार मानतो. महायुतीचं अभिनंद करतो. राष्ट्रवादी काँग्रेस पक्षाला सुद्धा अजित पवार,प्रफुल पटेल यांच्या नेतृत्वाखाली जवळपास ४० जांगावर विजय मिळाला आहे. दादांनी घेतलेल्या सभा, महिलांचा प्रतिसाद, माझ्या सर्व संघटना, युवक, कार्यकर्ते या सर्वांना मी मनापासून धन्यवाद मिळतो. महायुती किती भक्कम होती हे आम्ही दाखवून दिले आहे. अजित पवारांची जनमाणसातली ताकद दिसून आली आहे. लाडक्या बहि‍णींनी महायुतीला कौल दिला असल्याचं त्यांनी म्हटलं आहे. आम्ही घेतलेल्या भूमिकांशी आम्ही ठाम आहे. खरी राष्ट्रवादी कोणाची? असं आम्हाला विचारण्यात येते यावरू जनतेने दाखवून दिले आहे की खरी राष्ट्रवादी कोणाची आहे.