Ranji Trophy: रणजी ट्रॉफीच्या नव्या हंगामाला ५ जानेवारीपासून होणार प्रारंभ! जाणून घ्या स्पर्धेबद्दल सर्वकाही

Ranji Trophy 2023-24 Details And Live Streaming:

रणजी ट्रॉफी ही देशांतर्गत क्रिकेटमधील सर्वात मोठी स्पर्धा आहे. या स्पर्धेच्या आगामी हंगामाला येत्या ५ जानेवारीपासून होणार आहे. या स्पर्धेची सुरुवात गुजरात विरुद्ध तामिळनाडू, कर्नाटक विरुद्ध पंजाब आणि हरियाणा विरुद्ध राजस्थान यांच्यातील सामन्याने होणार आहे. गेल्या हंगामातील चॅम्पियन,सौराष्ट्रचा संघ यावेळी झारखंडविरुद्ध आपला पहिला सामना खेळण्यासाठी मैदानावर उतरणार आहे.

गतविजेता सौराष्ट्रचा संघ आगामी हंगामात विदर्भ आणि हरियाणासारख्या बलाढ्य संघांसोबत दोन हात करताना दिसून येणार आहे.सौराष्ट्रचा संघ एलीट ए ग्रुपमध्ये असणार आहे. या ग्रुपमध्ये सौराष्ट्रसह झारखंड, राजस्थान, विदर्भ, हरियाणा, सर्व्हिसेस आणि मणिपुर या संघांचा समावेश असणार आहे. (Ranji Trophy News)

असे आहेत सर्व ग्रुप..

एलीट ए ग्रुप - सौराष्ट्र, झारखंड, महाराष्ट्र, राजस्थान, विदर्भ, हरियाणा, सर्व्हिसेस, मणिपुर.

एलीट बी ग्रुप - केरळ, छत्तीसगढ़, उत्तर प्रदेश, आसाम, बिहार, बंगाल, आंध्रप्रदेश, मुंबई,

एलीट सी ग्रुप - कर्नाटक, पंजाब, रेल्वे, तमिळनाडू, गोवा, गुजरात, त्रिपुरा, छत्तीसगड

एलीट डी ग्रुप - मध्यप्रदेश, उत्तराखंड, हिमाचल प्रदेश, बडोदा, दिल्ली, उडीसा, पुडुचेरी, झारखंड

प्लेट ग्रुप - नागालँड, हैदराबाद, मेघालय, सिक्किम, मिझोरम, अरुणाचल प्रदेश (Latest sports updates)

रणजी ट्रॉफी स्पर्धेतील सामने एकूण ४८ मैदानांवर खेळवले जाणार आहेत. तर प्लेट ग्रुप स्टेजच्या सामन्यांचे आयोजन ५ मैदानांवर केले जाणार आहे.

इथे पाहू शकता लाईव्ह.. (Ranji Trophy Live Streaming)

रणजी ट्रॉफी स्पर्धेतील सामन्यांचे लाईव्ह प्रक्षेपण स्पोर्ट्स १८ नेटवर्कवर पाहता येणार आहे. तर या स्पर्धेतील सामने तुम्ही जियो सिनेमावर लाईव्ह पाहु शकता.