Suryakumar Yadav : 'धारावीचा मिस्टर 360' सलग तिसऱ्यांदा शून्यावर बाद होताच Suryakumar Yadav चे भन्नाट मिम्स व्हायरल

Suryakumar yadav memes: भारत विरुद्ध ऑस्ट्रेलिया या दोन्ही संघांमध्ये ३ वनडे सामन्यांची मालिका पार पडली. या मालिकेतील पहिल्या सामन्यात भारतीय संघाने जोरदार विजय मिळवला होता.

तर दुसऱ्या आणि तिसऱ्या वनडेत विजय मिळवत भारतीय संघाने जोरदार पुनरागमन केले होते. या मालिकेतील तिन्ही सामन्यांमध्ये भारतीय संघातील आक्रमक फलंदाज सूर्यकुमार यादव फ्लॉप ठरला होता.

दरम्यान या फ्लॉप कामगिरीनंतर भन्नाट मिम्स सोशल मीडियावर व्हायरल होऊ लागले आहेत.

श्रेयस अय्यरच्या अनुपस्थितीत सूर्यकुमार यादवला ऑस्ट्रेलिया संघाविरूध्द झालेल्या वनडे मालिकेसाठी भारतीय संघाच्या प्लेइंग ११ मध्ये संधी दिली गेली होती. मात्र तीनही सामन्यांमध्ये तो शून्यावर बाद होऊन माघारी परतला आहे. (Latest sports updates)

यासह तो वनडे क्रिकेटमध्ये फलंदाजी करताना सलग ३ वेळा शून्यावर बाद होणारा पहिलाच फलंदाज ठरला आहे. या मालिकेतील तीनही सामन्यांमध्ये तो पहिल्याच चेंडूवर बाद होऊन माघारी परतला.

भन्नाट मिम्स होत आहेत व्हायरल

तसेच त्याच्या टी -२० क्रिकेटमधील कामगिरीबद्दल बोलायचं झालं तर, त्याने ४८ टी -२० सामन्यांमध्ये १६७५ धावा केल्या आहेत. यादरम्यान त्याने ३ शतके आणि १३ अर्धशतके झळकावली आहेत.

त्याची ही निराशाजनक कामगिरी पाहता चाहते संजू सॅमसन किंवा दीपक हुड्डाला संघात संधी देण्याची मागणी करू लागले आहेत. कारण श्रेयस अय्यर केव्हा परतणार याबाबत कुठलीही माहिती समोर आली नाहीये.