Maharashtra Election Result : राज्यातील पहिला अधिकृत निकाल, भाजपच्या उमेदवाराचा दणदणीत विजय

मुंबई : राज्यात विधानसभा निवडणुकीचा पहिला निकाल जाहीर झाला आहे. निवडणूक आयोगाने पहिला अधिकृत निकाल जाहीर केला आहे. मुंबईतील वडाळा विधानसभा मतदारसंघात भाजपचा उमेदवार जिंकला आहे. वडाळ्यात कालीदास कोळंबकर यांचा दणदणीत विजय झाला आहे.

राज्यात विधानसभा निवडणुकीच्या मतमोजणीला सुरुवात झाली आहे. या मतमोजणीच्या कलामध्ये महायुतीला मोठा दिलासा मिळताना दिसत आहे. मतमोजणीत महायुतीच्या २०० हून अधिक जागा आघाडीवर आहेत. या निकालानंतर महायुतीच्या कार्यकर्त्यांनी जल्लोषाला सुरुवात केली आहे. महायुतीच्या कार्यकर्यांनी विजयाचा गुलाल उधळत जल्लोष करण्यास सुरुवात केली आहे. या जल्लोषादरम्यान, राज्यातील पहिली अधिकृत निकाल हाती आला आहे.

मुंबईतील वडाळा विधानसभा मतदारसंघात भाजपचे कालीदास कोळंबकर यांचा दणदणीत विजय झाला आहे. कालीदास कोळंबकर यांनी ऐतिहासिक विजय मिळवला आहे. कोळंबकर हे नवव्यांदा आमदार झाले आहेत.

कालीदास कोळंबकर यांच्या विजयाने महायुतीला मोठा दिलासा मिळाला आहे. कालीदास कोळंबकर यांनी ठाकरे गटाच्या माजी महापौर श्रद्धा जाधव यांचा पराभव केल आहे. कोळंबकर यांनी २४ हजार ९४३ मतांनी श्रद्धा जाधव यांचा पराभव केला आहे. कोळंबकर यांनी मोठ्या फरकाने श्रद्धा जाधव यांना पराभवाची धूळ चारली आहे.

कालिदास कोळंबकर यांनी १९९० ते २०१९ अशा आठ विधानसभा निवडणुकीत विजयी झाले होते. त्यानंतर नवव्यांदाही कोळंबकर यांनी विजय मिळवला आहे कोळंबकर यांनी नवव्यांदा निवडणूक जिंकून वर्ल्ड रेकॉर्ड केला आहे.

दरम्यान, विधानसभा निवडणुकीच्या देवेंद्र फडणवीस यांनी पहिली प्रतिक्रिया दिली आहे. देवेंद्र फडणवीस यांनी एक्स पोस्टवर प्रतिक्रिया दिली आहे. 'एक है तो सेफ है, मोदी है तो मुमकीन है, अशी प्रतिक्रिया फडणवीस यांनी दिली आहे.