Pre-Wedding Shoot Ban: प्री-वेडिंग फोटोशूटवर बंदी घालता येऊ शकते का? कायदेतज्ज्ञ काय म्हणतात

Pune News: प्री-वेडिंग फोटोशूटवर बंदी घालण्याचा निर्णय विविध समाजाकडून घेतला जात आहे. लग्नाच्या मुहूर्ताआधी उत्साह आणि आनंदात केल्या जाणाऱ्या या प्री-वेडिंग फोटोशूटला अनेक समाजातून विरोध वाढत आहेत. प्री-वेडिंग फोटोशूटवर बंदी घालता येऊ शकते का, याबद्दल वकील असीम सरोदे यांनी महत्वाची माहिती दिली आहे. (Latest Marathi News)

सध्या लग्नाच्या मुहूर्ताआधी प्री-वेडिंग फोटोशूट करण्याचा ट्रेंड आहे. अनेक तरुण-तरुणी आता प्री-वेडिंग फोटोशूट करण्यासाठी वेगवेगळ्या ठिकाणी जात असतात. प्री-वेडिंग फोटोग्राफी करताना पाश्चिमात्य पद्धतीचे कपडे भावी वर-वधू घालतात. त्यासोबत या फोटोशूटचे प्रदर्शन लग्न समारंभात मोठ्या डिजिटल पडद्यावर करत असतात. प्री-वेडिंग फोटोशूटची क्रेझ आता शहरासहित ग्रामीण भागातही होत आहे.

लग्नाच्या निमित्ताने पाश्चिमात्य देशातील अनिष्ट प्रथांचे अंधानुकरण केले जात असल्याचे अनेक समाजातून म्हटलं जात आहे. यामुळे देशातील विविध समाजाने प्री-वेडिंग फोटोशूटवर बंदी घालण्याच्या निर्णय घेतला आहे.

अशा प्री-वेडिंग फोटोशूटर बंद घातली जाऊ शकते का, यावर वकिलांनी माहिती दिली आहे. यावर वकील असीम सरोदे म्हणाले, ' प्री- वेडिंग फोटोशूटवर बंदी घालता येणार नाही. अशी बंदी कायद्याला धरून नाही. तर जिल्हाधिकाऱ्यांना निवेदन देऊन उपयोग नाही. प्री-वेडिंग फोटोशूट हा व्यक्ती स्वातंत्र्याचा भाग आहे'.

प्री-वेडिंग फोटोशूट म्हणजे काय?

प्री-वेडिंग फोटोशूट हे लग्नाआधी केलं जातं. अनेक भावी वर-वधू हे फोटोशूट करत असतात. सध्या तरुणाईमध्ये या प्री-वेडिंग फोटोशूटचं क्रेझ आहे. स्टायलिश, आरामदायी आणि ट्रेंडी लूकमध्ये भावी वर-वधूकडून हे फोटोशूट केले जाते.

अनेक जण निसर्गाच्या सानिधान्यात हे फोटोशूट करत असतात. लग्नाआधीच्या आठवणी वर-वधू कॅमेरात कैद करत असतात. कपल्स या फोटोशूटसाठी हजारो रुपये खर्च करायला तयार असतात.