महापालिकेच्या महासभेत हायव्होल्टेज ड्रामा! भाजप-सेनेत शाब्दिक चकमक; भाजप नगरसेवकाचं निलंबन

अजय दुधाणे, साम प्रतिनिधी

गेल्या काही दिवसांपासून उल्हासनगर महापालिकेत शिवसेना-भाजपमध्ये जोरदार संघर्ष पाहायला मिळतोय. तब्बल तीन महिन्यांनंतर आयोजित करण्यात आलेली महासभेत पुन्हा भाजप-शिवसेना आमनेसामने आले. याला कारण भाजप नगरसेवक प्रधान पाटील ठरले असून त्यांनी महापौर अश्विनी निकम यांना अपशब्द वापरल्याने चांगलाच गदारोळ झाला.

महापौर अश्विनी निकम यांच्या पूर्वपरवानगीशिवाय भाजप नगरसेवक प्रधान पाटील हे प्रभागातील विषयावर बोलण्यासाठी उभे राहिल्याने वादाला सुरुवात झाली. यावरून महापौर आणि प्रधान पाटील यांच्यात जोरदार शाब्दिक खडाजंगी झाली.याचदरम्यान प्रधान पाटील यांच्याकडून महापौरांच्या वडिलांना उद्देशून अपशब्द वापरल्याचा आरोप करण्यात आला.

यानंतर संतप्त झालेल्या महापौर अश्विनी निकम यांनी, “भाषा नीट वापरा, तुम्ही माझा बाप काढला,” असे सुनावत प्रधान पाटील यांना फटकारलं. त्यानंतर महापौरांनी प्रधान पाटील यांचे तीन महासभांसाठी निलंबन केल्याचे जाहीर केले. या कारवाईच्या निषेधार्थ भाजप नगरसेवकांनी सभागृहातच ठिय्या आंदोलन केले. त्यामुळे तब्बल तीन महिन्यांनंतर झालेली महासभा विकासाच्या मुद्द्यांपेक्षा भाजप-सेनेतील या वादामुळेच चांगलीच गाजली.

तब्बल तीन महिन्यांनंतर आयोजित करण्यात आलेल्या महासभेत नगरसेवक प्रश्न मांडत होते. यावेळी महापौर अश्विनी निकम यांची परवानगी न घेता भाजप नगरसेवक प्रधान पाटील उभे झाले. त्यानंतर महापौर अश्विनी निकम यांनी तुम्ही बसा, असे बजावले. तसेच सध्या दुसऱ्यांना वेळ दिली आहे. तुम्ही हात वर केला का असा प्रश्न केला. यावर तुम्ही आम्हाला बोलायला वेळ देत नाही असा आरोप भाजप नगरसेवक पाटील यांनी केली.

यावरून महापौर आणि प्रधान पाटील यांच्यात जोरदार शाब्दिक खडाजंगी झाली. याचदरम्यान प्रधान पाटील यांच्याकडून महापौरांच्या वडिलांना उद्देशून अपशब्द वापरला. त्यांचा बाप काढण्यात आला. यावेळी संतप्त झालेल्या महापौर अश्विनी निकम यांनी, “भाषा नीट वापरा, तुम्ही माझा बाप काढला,” असे सुनावत प्रधान पाटील यांना फटकारले. तसेच अर्ध्या तासासाठी बाहेर जाण्याचे निर्देश दिले.