Amravati Rain : विदर्भात मुळधार पाऊस; बगाजी सागरचे ७ दरवाजे उघडले

अमर घटारे

अमरावती : गेल्या दोन ते तीन दिवसांपासून विदर्भात पावसाची जोरदार बॅटिंग सुरू आहे. मुसळधार पावसाने नदी नाल्यांना पूर आला असून तलाव, धरणात येणाऱ्या पाण्याची आवक वाढली आहे. बगाजी सागर धरणात जलसाठा वाढल्यामुळे धरणाचे ७ दरवाजे उघडण्यात आले. वर्धा नदीला पूर आला असून दोन दिवस पाण्याचा विसर्ग सुरूच राहणार आहे. (Amravati Rain Updates)

अमरावती आणि वर्धा या दोन जिल्ह्यांच्या सीमेवर बगाजी सागर धरण आहे. धरणाचे पाणी हे उन्हाळ्यात अमरावती व वर्धा जिल्ह्याच्या गावांसाठी संजीवनी ठरते. दोन दिवसांपासून सुरू असलेल्या पावसामुळे धरणातील जलसाठ्यात वाढ झाली आहे. सध्या धरणात ७१.९६ टक्के जलसाठा आहे. (Amravati Bagaji Sagar Rain Updates)

दरम्यान, धरणाचे ७ दरवाजे उघडण्यात आल्याने वर्धा नदीला पूर आला आहे. त्यामुळे वर्धा नदीकाठावरील गावांना सतर्कतेचा इशारा देण्यात आला आहे. पाण्याचा प्रवाह अधिक असल्याने नदीपात्रात कुणीही उतरू नये. असे आवाहन देखील करण्यात आले आहे.

Edited By - Satish Daud