Heavy Rain: आष्टी तालुक्यात ढगफुटी सदृश्य पाऊस; एक तासात 65 मिली पावसाची नोंद

बीड : बीडच्या आष्टी तालुक्यातील सराटेवडगाव, आनंदवाडी परिसरात ढगफुटी सदृश्य मुसळधार पाऊस (Heavy Rain) झाला. यामुळे नदी, नाले, ओढे ओसंडून वाहत आहेत. या मुसळधार पावसाने आनंदवाडी परिसरातील पूल वाहून गेला आहे. तर पिकांचे देखील प्रचंड नुकसान झाले आहे. (Beed Heavy Rain)

बीडमधील (Beed) आष्‍टी तालुक्‍यात मुसळधार पाऊस झाला. तासाभरात ६५ मिली (Rain) पावसाची नोंद झाल्‍याने ढगफुटी सदृश्‍य पाऊस झाल्‍याचे चित्र पहावयास मिळत आहे. या पावसामुळे गावला जोडणाऱ्या रस्त्यावरील पुल पुराच्या पाण्यात वाहून गेल्याने नागरिकांना जीव धोक्यात घालून प्रवास करावा लागतोय.

पिकांचे नुकसान

दुसरीकडे मुसळधार पावसामुळे शेतकऱ्यांचे प्रचंड नुकसान झाले आहे. खरिप पिके उडीद, मुग, कापूस, तूर हे पिके पाण्याखाली गेले आहेत. त्यामुळे अतिवृष्टीचे पंचनामे करून तात्काळ नुकसान भरपाई द्यावी. अशी मागणी गावकऱ्यांनी केलीय. तसेच गावाला जोडणारा पूल वाहून गेल्याने तात्काळ पूल दुरुस्त करावा, अशी मागणी केली जात आहे.