Manasvi Choudhary
लग्न हे प्रत्येकाच्या आयुष्यातील महत्वाचा क्षण असतो. लग्नात विविध प्रथा पद्धती पाळल्या जातात.लग्नातील प्रत्येक प्रथेमागे जुना इतिहास आहे. आजही या प्रथा सर्वत्र पाळल्या जातात.
अशीच एक प्रथा म्हणजे लग्नात नवरी व नवरा यांना मुंडावळ्या आणि बांशिग बांधतात. तुम्हाला मुंडावळ्या आणि बाशिंग बांधण्यामागचे कारण माहिती आहे का?
मुंडावळ्या आणि बांशिग बांधल्याने नवरा आणि नवरीचा लूक उठून दिसतो. हळदीच्या दिवशी देखील वधू वर मुंडावळ्या बांधतात.
मुंडावळ्या किंवा बांशिग बांधल्याने प्रत्येकाची नजर ही वधू व वराकडे जाते यामुळे त्यांना नजर लागू नये असं मानलं जातं.
लग्नात वधू व वर हे एका वेगळ्या भावनेतून जात असतात अशावेळी त्यांना दु:ख, दडपण आलेलं असते यावेळी डोक्यावर पट्टी बांधल्यासारखा मुंडावळ्या बांधल्याने डोकं शांत राहते.
पूर्वी फुलांच्या मुंडावळ्या बांधल्या जायच्या कारण मोगऱ्याचा सुंदर असा सुंगध मनाला प्रसन्न करायचा. वधू व वर यांना मुंडावळ्या बांधल्याने डोकं शांत ठेवण्यास मदत होते.
येथे दिलेली माहिती ही सामान्य ज्ञानावर आधारित आहे. अधिक माहितीसाठी योग्य सल्ला घ्या.