Surabhi Jayashree Jagdish
टॉयलेट फ्लश बटण. हे टॉयलेटमधील फ्लश बटन आपण दररोज पाहतो पण त्याची दोन बटणं वेगवेगळी का आहेत हे फार कमी लोकांना माहिती आहे.
WIT नावाच्या एका संस्थेने एक संशोधन प्रसिद्ध केलंय. ज्यामध्ये ८५ टक्के लोकांना अजूनही शौचालयात दिलेल्या दोन बटणांचा योग्य वापर माहित नाहीये.
WIT ही एक आंतरराष्ट्रीय संस्था आहे जी जगभरात पाणी बचतीबद्दल जागरूकता पसरवण्याचं काम करते.
बऱ्याचदा लोकांचा असा विश्वास असतो की, टॉयलेट फ्लशची दोन्ही बटणं सारखंच काम करतात. परंतु सत्यता पूर्णपणे वेगळी आहे.
ही दोन्ही बटणं 'ड्युअल फ्लश सिस्टीम'चा भाग आहेत. जी विशेषतः पाणी वाचवण्याच्या उद्देशाने डिझाइन केलीयेत.
टॉयलेट फ्लशवरील लहान बटण 'हाफ फ्लश' साठी आहे, म्हणजेच लघवी केल्यानंतर ते वापरावं. यासाठी अंदाजे ३ लिटर पाणी वापरलं जातं.
टॉयलेट फ्लशवरील मोठं बटण 'फुल फ्लश' साठी आहे. शौचानंतर अधिक स्वच्छता आवश्यक आहे. ते अंदाजे ६ लिटर पाणी वापरते.