Saam Tv
शरीरातील पाण्याची कमतरता कमी झाल्यामुळे टाचा कोरड्या पडतात. त्यावर चालताना शरीराचा भार पडतो. त्यामुळे त्वचेतील लवचिकता कमी होते आणि पायाला भेगा पडतात.
तांदळाचे जाडसर पीठ, मध आणि अॅपल साईड व्हिनेगर एकत्र करा. ही पेस्ट भेगांवर लावल्याने भेगा लवकर भरून निघतील.
मध त्वचेला ओलावा देण्यास मदत करतो. कोमट पाण्यात मध मिसळून पाय भिजवल्यास त्वचेला ओलावा मिळतो आणि भेगा भरून निघतात.
पिकलेले केळे स्मॅश करून त्यात अॅव्हकॅडो टाका आणि हे मिश्रण एकत्र करून लावा. ही पेस्ट टाचांवर २० मिनिटे चोळा. यामुळे टाचा मऊ होतील.
रात्री झोपण्यापूर्वी टाचांवर नारळाचे तेल लावून हलक्या हाताने मसाज करा. त्यावर कॉटनचे मोजे घाला.
टाच स्वच्छ धुवा. कोरड्या करा. रात्री झोपताना त्यावर पेट्रोलिअम जेली लावा.यामुळे पायाच्या त्वचेला ओलावा मिळेल आणि पाय मऊ, गुळगुळीत होतील.
कोरफडीचा गर टाचांवर लावा. हा गर टाचांवर १५ ते २० मिनिटे ठेवावा. मग पाय स्वच्छ धुवून त्यावर मॉश्चराइझर लावा.
पाय कोमट पाण्यात भिजवावे. भेगा पडलेल्या जागेवर प्युमिस स्टोनने हलक्या हाताने घासा. याने पायाला आराम मिळेल . थकवा दूर होईल.
वरील माहिती आम्ही फक्त वाचक-प्रेक्षकांपर्यंत पोहचवत आहोत. याचं समर्थन अथवा दावा करत नाही. त्यामुळे कोणतेही उपचार, डाएट आणि औषधं तज्ज्ञांच्या सल्ल्यानं घ्यावीत.