Shreya Maskar
सामान्यतः दिवसभराच्या तुलनेत रात्री झोपताना रक्तदाब कमी होणे अपेक्षित असते. निरोगी व्यक्तींमध्ये झोपेच्या वेळी रक्तदाब साधारण १० ते २० टक्क्यांनी कमी होतो. मात्र काही व्यक्तींमध्ये रात्री रक्तदाब कमी होण्याऐवजी वाढलेला राहतो.
रात्री पुरेशी झोप न मिळाल्यास शरीरातील ताणाशी संबंधित हार्मोन्स आणि मज्जासंस्थेच्या कार्यावर परिणाम होऊ शकतो. यामुळे रक्तदाब वाढण्याची शक्यता असते. सतत उशिरापर्यंत जागे राहण्याची सवयही आरोग्यासाठी हानिकारक ठरू शकते.
दिवसभरातील कामाचा ताण, चिंता, सतत विचार करणे आणि मानसिक अस्वस्थता यांचा रक्तदाबावर परिणाम होऊ शकतो. तणावामुळे शरीरात अॅड्रेनालिनसारख्या हार्मोन्सचे प्रमाण वाढते आणि रक्तदाब वाढू शकतो.
आहारात मिठाचे प्रमाण जास्त असल्यास शरीरात पाणी साचण्याची शक्यता वाढते. त्यामुळे रक्तदाब वाढू शकतो. रात्रीच्या जेवणात लोणचे, पापड, चिप्स आणि प्रक्रिया केलेले पदार्थ जास्त खाणे टाळावे.
मद्यपानामुळे झोपेची गुणवत्ता खराब होऊ शकते. तसेच मद्यपानाचा रक्तदाबावरही परिणाम होतो. नियमित किंवा अतिप्रमाणात मद्यपान केल्यास उच्च रक्तदाबाचा धोका वाढू शकतो.
रात्री चहा, कॉफी किंवा एनर्जी ड्रिंक्सचे सेवन केल्यास काही व्यक्तींमध्ये रक्तदाब तात्पुरता वाढू शकतो. कॅफिनमुळे झोपेवरही परिणाम होऊ शकतो. त्यामुळे रात्री उशिरा कॅफिनयुक्त पेये घेणे टाळावे.
झोपेत वारंवार श्वास थांबणे किंवा श्वास घेण्यास अडथळा निर्माण होणे म्हणजे स्लीप ॲपनिया. यामुळे शरीरातील ऑक्सिजनची पातळी कमी होऊ शकते आणि मज्जासंस्था सक्रिय झाल्यामुळे रात्री रक्तदाब वाढू शकतो.
वरील माहिती आम्ही फक्त वाचक-प्रेक्षकांपर्यंत पोहचवत आहोत. याचं समर्थन अथवा दावा करत नाही. त्यामुळे कोणतेही उपचार, डाएट आणि औषधं तज्ज्ञांच्या, डॉक्टरांच्या सल्ल्यानं घ्यावीत.