Shruti Vilas Kadam
मेट गाला (Met Gala) हा न्यूयॉर्क शहरातील मेट्रोपॉलिटन म्युझियम ऑफ आर्टच्या कॉस्ट्यूम इन्स्टिट्यूटच्या निधी संकलनासाठी आयोजित केला जाणारा वार्षिक फॅशन कार्यक्रम आहे. प्रत्येक वर्षी मे महिन्याच्या पहिल्या सोमवारी हा कार्यक्रम पार पडतो.
या कार्यक्रमात जगभरातील नामवंत कलाकार, डिझायनर्स, आणि प्रतिष्ठित व्यक्ती सहभागी होतात. प्रत्येक वर्षी एक विशिष्ट थीम ठरवली जाते, ज्यानुसार सहभागी व्यक्ती आपले पोशाख सादर करतात.
2025 च्या मेट गालाची थीम होती "Superfine: Tailoring Black Style", ज्यामध्ये काळ्या रंगाच्या स्टाईल आणि टेलरिंगला महत्त्व देण्यात आले.
बॉलिवूडचा 'किंग खान' शाहरुख खानने यंदा मेट गालामध्ये पदार्पण केले. त्याने सब्यसाची मुखर्जीने डिझाइन केलेला काळ्या रंगाचा पोशाख परिधान केला होता, ज्यात 'K' अक्षराचा पेंडंट घातला होता.
प्रियंका चोप्रा आणि निक जोन्स हे कपल चौथ्यांदा मेट गालामध्ये सहभाग घेतला. प्रियंकाने Balmain चा पांढऱ्या रंगाचा काळ्या पोल्का डॉट्स असलेला ड्रेस परिधान केला होता, ज्यासोबत 241-कॅरेट एमराल्ड पेंडंट होते.
अभिनेत्री कियारा अडवाणीने आपल्या मेट गाला पदार्पणात Gaurav Guptaने डिझाइन केलेला 'Bravehearts' नावाचा सोन्याचा पोशाख परिधान केला होता, ज्यात मातृत्वाचे प्रतीक असलेले डिझाइन होते.
पंजाबी गायक आणि अभिनेता दिलजीत दोसांझने Prabal Gurung ने डिझाइन केलेला पोशाख परिधान केला होता, ज्याची प्रेरणा महाराजा भूपिंदर सिंग यांच्या स्टाईलमधून घेतली होती.
ईशा अंबानीने Anamika Khannaने डिझाइन केलेला पोशाख परिधान केला होता, ज्यात पारंपरिक भारतीय दागिन्यांचा समावेश होता.
प्रसिद्ध फॅशन डिझायनर मनीष मल्होत्रा यांनीही यंदा मेट गालामध्ये सहभाग घेतला. त्यांनी आपल्या डिझाइन केलेल्या पोशाखात भारतीय फॅशनचा जागतिक स्तरावर प्रचार केला.
नताशा पूनावालाने आपल्या अनोख्या आणि आकर्षक पोशाखाने मेट गालामध्ये उपस्थित सर्वांचे लक्ष वेधले.