Surabhi Jayashree Jagdish
आवळा, बीट आणि गाजर या तिन्ही पदार्थांमध्ये शरीरासाठी उपयुक्त पोषक घटक असतात. आवळ्यातील व्हिटॅमिन सी शरीराला जंतूंशी लढण्यास मदत करते. गाजरातील बीटा-कॅरोटीन आणि बीटमधील अँटिऑक्सिडंट्स शरीरासाठी फायदेशीर ठरतात.
आवळ्यामध्ये व्हिटॅमिन सी आणि अँटिऑक्सिडंट्स भरपूर प्रमाणात असतात. व्हिटॅमिन सी शरीरातील पांढऱ्या रक्तपेशींच्या कार्यासाठी महत्त्वाचं असतं. या पेशी शरीराला संसर्गापासून वाचवण्याच्या प्रक्रियेत महत्त्वाची भूमिका बजावतात.
शरीरामध्ये फ्री रॅडिकल्स तयार होतात आणि त्यांचं प्रमाण वाढल्यास पेशींना नुकसान होऊ शकतं. आवळ्यातील अँटिऑक्सिडंट्स या कणांमुळे होणारं नुकसान कमी करण्यास मदत करतात.
बीटमध्ये बेटालेन्स नावाचा घटक असतो ज्यांच्यामध्ये अँटिऑक्सिडंट आणि सूज कमी करण्यास मदत करणारे गुणधर्म आहेत. यकृत शरीरातील काही हानिकारक पदार्थांवर प्रक्रिया करून ते बाहेर टाकण्यास मदत करतं.
बीटमध्ये नैसर्गिक नायट्रेट्स असतात, ज्यांचं शरीरात नायट्रिक ऑक्साइडमध्ये रूपांतर होऊ शकतं. यामुळे रक्तप्रवाह सुधारण्यास मदत होते. त्यामुळे शरीराच्या विविध भागांपर्यंत ऑक्सिजन पोहोचण्याच्या प्रक्रियेला मदत मिळू शकते.
गाजरामध्ये बीटा-कॅरोटीन असतं ज्याचं शरीरात व्हिटॅमिन ए मध्ये रूपांतर होते. व्हिटॅमिन ए डोळ्यांचं आरोग्य टिकवण्यासाठी आणि त्वचा तसंच नाक आणि फुफ्फुसांच्या आतील आवरणाचं सामान्य कार्य राखण्यासाठी महत्त्वाचं असतं.
सकाळी रिकाम्या पोटी हा ज्यूस प्यायल्याने शरीराला पाणी आणि विविध पोषक घटक मिळतात. आवळ्यातील व्हिटॅमिन सी बीटसारख्या वनस्पतीजन्य पदार्थांमधील लोहाचं शोषण सुधारण्यास मदत करते.
ही माहिती विविध सार्वजनिक स्रोतांवर आधारित असून केवळ सामान्य माहितीसाठी देण्यात आली आहे. या माहितीची स्वतंत्र वैद्यकीय पडताळणी आम्ही केलेली नाही. कोणतीही लक्षणे आढळल्यास स्वतः निष्कर्ष काढण्याऐवजी तज्ज्ञ डॉक्टरांचा सल्ला घ्या.