Shruti Vilas Kadam
सकाळी चालल्याने दिवसाची सुरुवात उत्साहाने होते. नियमित चालण्याची सवय लागते आणि शरीर सक्रिय राहण्यास मदत होते. हवामान अनुकूल असल्यास सकाळी चालणे हा चांगला पर्याय आहे.
सकाळी चालण्यामुळे शारीरिक हालचालींना सुरुवात होते. शरिराची सूस्ती दूर होते. नियमित चालल्याने रक्तदाब नियंत्रणात ठेवण्यास आणि हृदयाचे आरोग्य सुधारण्यास मदत होऊ शकते.
दुपारी चालणेही फायदेशीर ठरू शकते. मात्र, कडक उन्हात चालणे टाळा आणि शरीरात पाण्याची कमतरता होणार नाही याची काळजी घ्या.
सकाळी वेळ मिळत नसल्यास संध्याकाळी चालणे हा चांगला पर्याय आहे. यामुळे दिवसभरातील शारीराचा थकवा कमी होण्यास मदत होते. तसेच नियमित व्यायामाची सवय टिकवण्यास मदत होते.
चालताना शरीराला झेपेल असा वेग ठेवा. सुरुवात हळू करावी लगेच दम लागेल असे चालू नयेत. चालताना श्वास थोडा वाढतो, पण बोलता येईल एवढा वेग असावा.
१८ वयापुढील तरुणांनी आठवड्यातून किमान १५० मिनिटे व्यायाम किंवा चालणे महत्वाचे आहे. यासाठी दिवसातून ३० मिनिटे, आठवड्यातील पाच दिवस चाललावे २ दिवस शरिराला आराम दिला तरी चालेल.
चालण्यासाठी तुमच्या सोयीनुसार सकाळ दुपार संध्याकाळ अशी योग्य वेळ निवडा.पण त्यावेळेचे नियमित पालन ठेवा. सातत्य ठेवल्यास वजन सहज कमी होऊ शकतं. पण, छातीत दुखणे किंवा खूप धाप लागल्यास वैद्यकीय मदत घ्या.