Sakshi Sunil Jadhav
वटपौर्णिमा हा विवाहित महिलांसाठी खूप महत्वाचा सण आहे. या सर्व सुवासिनी वडाच्या झाडाची पूजा करून नवऱ्याच्या दीर्घायुष्यासाठी आणि सुखी वैवाहिक जीवनासाठी प्रार्थना करतात.
वटपौर्णिमा ही २९ जून २०२५ रोजी असणार आहे. ज्योतिषशास्त्रानुसार या दिवशी महिलांनी काही रंग परिधान करणं टाळलं पाहिजे. पुढे आपण याबद्दल जाणून घेणार आहोत.
ज्योतिषशास्त्रानुसार काळा रंग शनी ग्रहाशी संबंधीत असतो. वट पौर्णिमेसारख्या मंगल कार्यात काळ्या रंगाचं वस्त्र परिधान करणं अशुभ मानलं जातं.
राखाडी रंग हा उदासीनता आणि नकारात्मकतेचे प्रतीक मानला जातो. त्यामुळे पूजेच्या वेळी हा रंग टाळावा.
काही ज्योतिष तज्ज्ञांच्या मते गडद निळा रंग शनीशी संबंधित असतो. धार्मिक विधींमध्ये तो वापरणं अशुभ मानलं जातं.
लाल रंग सौभाग्य, प्रेम आणि मंगलकार्याचं प्रतिक असतं. वटपौर्णिमेच्या दिवशी लाल साडी परिधान करणं शुभ मानलं जातं.
हिरवा रंग समृद्धी, आनंद आणि वैवाहिक सुखाचे प्रतीक आहे. त्यामुळे अनेक महिला या दिवशी हिरवी साडी नेसतात.
पिवळा रंग गुरु ग्रहाशी संबंधित असून तो सकारात्मक ऊर्जा आणि शुभत्वाचे प्रतीक मानला जातो.
गुलाबी रंग प्रेम, सौम्यता आणि आनंदाचे प्रतीक असल्यामुळे वट पौर्णिमेसाठी हा रंगही चांगला पर्याय ठरू शकतो.
रंगापेक्षा वस्त्र स्वच्छ, नीटनेटकं आणि पारंपरिक असणे अधिक महत्त्वाचं मानलं जातं. त्यामुळे सणाच्या दिवशी शक्यतो पारंपरिक साडीची निवड करा.
या मान्यता धार्मिक परंपरांवर आधारित असून श्रद्धा आणि सकारात्मक भावनांनाच सर्वाधिक महत्त्व दिलं जातं.