Namdeo Kumbhar
बॉलीवूड सेलिब्रिटी आपल्या स्किनकेअर आणि आरोग्यासाठी काही खास घरगुती उपाय फॉलो करतात. अशीच एक साधी पण प्रभावी सवय म्हणजे रात्री झोपताना पायाच्या तळव्यांना तूप लावणे. त्याचे अनेक फायदे होतात.
आयुर्वेदामध्ये पायांच्या तळव्यांची मालिश करण्याला विशेष महत्त्व आहे, ज्याला 'पादाभ्यंग' म्हटले जाते. रोज रात्री नियमितपणे पायांना तूप लावून मालिश केल्यास शरीराला अनेक आरोग्यदायी फायदे मिळू शकतात.
अनेक प्रकारच्या ब्युटी ट्रिटमेंट्स करूनही जर चेहऱ्यावर हवा तसा ग्लो येत नसेल, तर हा सोपा आयुर्वेद उपाय करून पाहू शकता. पायाच्या तळव्यांचे आणि चेहऱ्याचे खास कनेक्शन असते, ज्यामुळे त्वचा सुधारण्यास मदत होते.
जर तुम्हाला रात्री झोप न येण्याची किंवा निद्रानाशाची समस्या असेल, तर झोपण्यापूर्वी पायाच्या तळव्यांना थोडेसे तूप चोळून हलकी मालिश करा. यामुळे पायांच्या नसा मोकळ्या होऊन मनाला शांतता मिळते.
हिवाळ्यात किंवा सततच्या कामामुळे पायांची त्वचा आणि टाचा कोरड्या होऊन फुटतात. तळव्यांना तूप लावल्याने त्वचेवरील ओलावा टिकून राहतो आणि टाचा मऊ होतात.
दिवसभर सतत चालणे किंवा उभे राहिल्यामुळे पायांमध्ये तीव्र थकवा जाणवतो. रात्री झोपण्यापूर्वी ३ ते ५ मिनिटे तुपाने मसाज केल्याने संपूर्ण शरीराचा ताणतणाव दूर होतो आणि उत्तम रिलॅक्स वाटते.
अस्सल देशी तूप पायावर चांगले जोपर्यंत सुकत नाही तोपर्यंत चोळल्यास शरीराच्या आतरक्ताभिसरण (Blood Circulation) सुधारण्यास मदत होते. हा उपाय नियमित केल्यास महिन्याभरात सकारात्मक फरक दिसून येतो.
आयुर्वेदामध्ये तूपामध्ये शरीरातील पित्त आणि वात दोष शांत करण्याचे गुणधर्म असल्याचे मानले जाते. रात्री झोपण्यापूर्वी पायांच्या तळव्यांना तूप लावल्याने पचनक्रिया सुधारण्यास मदत होते आणि शरीरातील उष्णता किंवा पित्ताचा त्रास नियंत्रणात राहण्यास मदत मिळू शकते.
सर्वात आधी पाय स्वच्छ धुवून कोरडे करून घ्या. त्यानंतर एक चमचा शुद्ध तूप घेऊन तळवे आणि टाचांवर ३ ते ५ मिनिटे हलक्या हाताने मसाज करा. तूप चादरीला लागू नये म्हणून सुती मोजे (Socks) घालू शकता.
हा एक पारंपरिक घरगुती उपाय आहे. जर तुम्हाला डायबिटीस किंवा त्वचेची कोणतीही गंभीर समस्या असेल, तर डॉक्टरांच्या सल्ल्यानेच हा उपाय करावा.