Sakshi Sunil Jadhav
मुलांसाठी दुपारच्या जेवणात खास पौष्टीक रेसिपी बनवायची असेल तर ही लसुणी पालक पनीर रेसिपी झटपट आणि टेस्टी बनवण्याची रेसिपी वाचाच.
पालक, पनीर, लसुण, कांदा, टॉमॅटो, हिरवी मिरची, आलं-लसणाची पेस्ट, सगळे मसाले, जीरं, लाल सुक्या मिरच्या, फ्रेश मलई, तूप, आणि मीठ इ.
सर्वप्रथम एका भांड्यात पाणी उकळवून घ्या. त्यामध्ये अर्धा चमचा साखर आणि पालक ठेवा. मग ५ मिनिटांनी लगेच थंड पाण्यात घाला.
आता पालकची बारिक पेस्ट करुन घ्या. मग एका कढईत तेल आणि तूप तापवा. त्यात जिरं, बारिक कांदा, मिरची, आलं-लसणाची पेस्ट घालून छान फोडणी द्या.
पुढे त्यात टॉमॅटोची पेस्ट आणि सर्व मसाले घालून छान शिजवा. साहित्याला तेल सुटल्यावर पालकची पेस्ट घालून घ्या.
५ ते १० मिनिटं पालक छान शिजवून घ्या. पाण्याचा वापर तुमच्यानुसार ठरवू शकता. पण जास्त पाणी टाळाच.
शेवटी त्यामध्ये तेलात तळलेलं पनीर घालून घ्या. पुढे मलई क्रिम मिक्स करुन घ्या. मग २ मिनिटांनी गॅस बंद करा.
डिश सर्व्ह करायला घेण्याआधी एका फोडणीच्या भांड्यात तुप, लसूण, सुकी लाल मिरची छान तडतडवून त्यावर घाला आणि सर्व्ह करा.