Surabhi Jayashree Jagdish
कॅन्सरची काही सुरुवातीची लक्षणं अनेकदा खूप सामान्य वाटतात, त्यामुळे ती लोकांकडून दुर्लक्षित केली जातात.
हीच लक्षणं शरीरात काही गंभीर बदल सुरू असल्याचा इशारा देत असतात. तज्ज्ञांच्या मते, काही लपलेली संकेत वेळेत ओळखणं अत्यंत महत्त्वाचं आहे
पुरेशी झोप आणि विश्रांती घेतल्यानंतरही सतत थकवा जाणवत असेल, तर तो शरीरात वाढणाऱ्या कॅन्सर पेशींचा परिणाम असू शकतो.
हलक्या धक्क्यानेही निळसर डाग पडणं किंवा नाकातून वारंवार रक्त येणं हे रक्ताशी संबंधित आजारांचे (उदा. ल्युकेमिया) लक्षण असू शकतं.
रात्री झोपेत अंगाला अनावश्यकपणे प्रचंड घाम येत असेल, तर ते केवळ तापमानामुळे नाही तर लिम्फोमा किंवा इतर प्रकारच्या कर्करोगांशी संबंधित असू शकतं.
आहार किंवा व्यायामात कोणताही बदल न करता अचानक वजन कमी होणं हे अनेक प्रकारच्या कॅन्सरमध्ये दिसून येतं. शरीरातील कर्करोग पेशी ऊर्जेचा जास्त वापर करतात, त्यामुळे वजन झपाट्याने कमी होतं.
कोणत्याही कारणाशिवाय शरीराच्या एखाद्या भागात दीर्घकाळ वेदना, सूज किंवा गाठ जाणवत असेल, तर त्याकडे दुर्लक्ष करू नये.