ब्युरो रिपोर्ट, साम टीव्ही, मुंबई
लग्न झाल्यानंतर विवाहित स्त्रियांमध्ये हातातील हिरव्या चुड्याला कायमच अलिखित असे स्थान आहे.
'पहिले कंगण सौभाग्याचे भूषण', असा मंत्र नवविवाहितेला तिची पाठवणी करताना दिला जातो.
"कंकण' हे सौभाग्याचे भूषण मानले जाते. फार पूर्वीपासून स्त्रिया कंकण किंवा बांगडी घालतात. सौभाग्यवती बाईने रिकाम्या हातांनी कधीच राहू नये, असे जुने जाणते लोक म्हणतात
स्त्रिच्या अलंकारांमध्ये बांगडीचे वेगळे महत्त्व आहे. हिरवा चुडा सौभाग्याचं लेणं तर डाळिंबी बांगड्या सौंदर्याचं प्रतीक मानलं जातं.
शरीरावर धारण केलेल्या धातूंच्या आभूषणांमधून सतत एक ऊर्जा मिळत असते. तसेच शरीरातील प्रतिकारशक्ती वाढविते.
धार्मिक मान्यतेनुसार, हातात बांगड्या घातल्याने पतीचे आयुष्य वाढते,चुड्याला पती-पत्नीच्या मांगल्यपूर्ण संबंधाचे प्रतिकही मानले जाते.
सौभाग्यवती स्त्रीच्या शृंगारात इतर दागिन्यांचा अंतर्भाव असला तरी चुड्याशिवाय सौंदर्य पूर्ण होत नाही.
बांगड्या घातल्याने चेहऱ्यावर तेज येते, तसेच महिलांच्या सौंदर्यात भर पडते.