ब्युरो रिपोर्ट, साम टीव्ही, मुंबई
आपले दात स्वच्छ असावे असे प्रत्येकालाच वाटते. पांढरेशुभ्र दात असल्याने आपल्या हास्याचे सौंदर्य वाढते.
रोज आपण जे अन्नपदार्थ खातो त्याचा आपल्या दातांवर परिणाम होतो. त्यामुळे हळूहळू आपले दात पिवळसर होतात.
दातांची स्वच्छता ठेवणे आणि काळजी घेणे खूप महत्त्वाचे आहे.
जर तुमचे दात पिवळसर असतील तर या घरगुती उपायांचा वापर करा. दात पुन्हा पांढरेशुभ्र होतील.
दात स्वच्छ ठेवण्यासाठी एक चमचा खोबरेल तेल १५-२० मिनिटे तोंडात ठेवा. त्यामुळे तोंडातील जंतू कमी होण्यास मदत होते.
बेकिंग सोडा आणि लिंबाचा रस एकत्र करुन पेस्ट बनवा. ही पेस्ट काही वेळ दातावर लावून ठेवा. थोड्या वेळाने दात स्वच्छ धुवा.
रात्री झोपण्यापूर्वी टुथब्रशच्या साहाय्याने दातावर हळद पावडर लावा. थोड्या वेळाने धुवा. यामुळे दाताचा पिवळेपण दूर होतो.
अॅपल सायडर व्हिनेगर दातांचा पिवळसर रंग काढण्यासाठी फायदेशीर आहे.