Manasvi Choudhary
नाश्त्याला इडली खायला सर्वानाच आवडते. मात्र नेहमीच पांढरी इडली खाऊन कंटाळा आला असेल तर तुम्ही ही नवीन रेसिपी नक्की ट्राय करा.
नाश्त्यासाठी स्पेशल बीटरूट इडली तुम्ही घरीच बनवू शकता. बीटरूट इडली बनवण्याची रेसिपी अत्यंत सोपी आहे.
बीटरूट इडली बनवण्यासाठी इडली पीठ,बीट, हिरवी मिरची, आलं पेस्ट, कढीपत्ता मोहरी, उडीद डाळ, हिंग तेल, मीठ हे साहित्य घ्या.
इडली बनवण्यासाठी सर्वातआधी बीटची साल काढून त्याचे छोटे तुकडे करा. हे तुकडे मिक्सरमध्ये बारिक वाटून घ्या.
एका मोठ्या बाऊलमध्ये इडली पीठ घ्या. नंतर त्यात तयार बीटची पेस्ट मिक्स करा आणि मिश्रण बाजूला ठेवा.
गॅसवर पॅनमध्ये गरम तेलात मोहरी, उडीद डाळ, हिंग, कढीपत्ता, आलं- मिरची पेस्ट मिक्स करा. फोडणी तयार केल्यानंतर इडलीच्या पिठात मिक्स करा. संपूर्ण मिश्रण एकजीव करा.
इडलीच्या पिठामध्ये मीठ घाला आणि संपूर्ण मिश्रण नीट ढवळून घ्या. इडलीच्या भांड्यामध्ये थोडे तेल लावून त्यात बीटरूट इडलीचे मिश्रण ओता. आणि वाफवून घ्या. अशाप्रकारे घरच्या घरी तुम्ही बिटरूट इडली तयार होईल